黎诺懿苏永康囝囝对灯笼各有喜好 蔡一智一家沙滩赏月

寻日中秋节，好多艺人家庭都有Po庆祝中秋嘅相到社交平台，如蔡一智同老婆周雪芳、15岁大女蔡斐岚及9岁细仔「细官」去咗沙滩赏月、苏永康一家三口就喺屋企食月饼，不过苏太都有带4岁囝囝Jazz（苏展弘）落街玩灯笼，着住唐衫嘅Jazz拎住迷你兵小灯笼又几衬喎，另外，老婆佗住6个月BB，费事周围去嘅黎诺懿一家三口就喺屋企天台过节，囝囝「小春鸡」」（黎峰睿）都有玩灯笼，仲系旧式风琴型可以放蜡烛嘅灯笼添。