张沛乐短发look与保锜有夫妻相 笑称只是配合自己性格

张沛乐（沙律）昨晚到铜锣湾出席电影《#PTGF出租女友》首映礼，她透露在戏中角色十分霸气，不似往时的女性化路线，自言对形象有突破，朋友看了优先场也赞她个性突出，问到朋友是否包括男友吴保锜@ERROR？她指男友未睇其演出，提到中秋一个人睇戏？她笑说：「唔系几好，公司唔畀呀！之后再团圆。」

沙律换上一头爽朗短发造型，与保锜更有点撞样，她笑言一直想剪短头发：「之前冇理由，呢个系我影完写真后嘅造型，因为我都想转形，之前长头发身边人话我开声就破功，而家嘅造型系夹番自己性格。（写真几时出？）希望10月出，而家修正中，第一次出写真会有性感造型，但题材系转变、系我自己嘅故事，同三位摄影师合作。」提到新造型与讲话节奏似足男友，被指夫妻相的沙律笑说：「哎吔，好多朋友咁讲！（可以做你替身！）身型差好远！我听到又冇乜特别感觉，只是咁啱有啲似。」