Juicy叮｜27岁未读完大学无做过全职工 网民慨叹人生是否「已完」

有网民慨叹，因身患重病以及学业波折，纵使年届27岁都未曾任职过全职工作，问其他网民其人生是否「已完」

网民透露，中学时成绩不错一直是全级头三名内，文凭试成绩算中上，发文者虽然好学但个性悲观，爸爸又有情绪问题，觉得人生无咩希望。之后发文者因为听妈妈意见北上广州读大学商科学位，结果完全不感兴趣，期间发文者不幸生肿瘤，退学返港求医。

发文者因治病前后花费两年多，休养好后决定再读书。发文者在香港重新修读化学，结果两年后又突然转校读城市研究。又读了两年发现做不到理想工作，加上反修例示威运动影响最后退学，转去读电脑重头开始。

发文者称，间中有做兼职，例如帮人补习、接下小型电脑工作等。「其实我都知自己过去衰在贪心咩都想要读，思想唔够坚定，同埋唔好彩患咗病，搞到浪费咗好多青春，明白依个社会亦最唔like我依种人。」

发文者又问，「其实系咪人生已完？做算读得几好，以后唔会再有老板请，唔会再有希望？当年病后连生育能力都无埋，我已唔打算结婚，已叠埋心水一世做单身狗，只系想喺职场上保留一定竞争力，做个有价值嘅人。」

有网民建议，「你而家读电脑读到完成学业，唔好又转其他嘢或停学，读完有个degree，点都搵到份电脑做，而家多人移民，啲人又生得少，香港需要人材，你亦可上大陆发展，机遇处处，点会人生已完，坚持理想向前行便会有路行。」、「你今次一定要同自己讲一定要毕业，唔好半途又再转。放弃好易，要向目标前进唔放弃先可以行出属于一条自己既路。 你识得反省即是代表你根本唔想自己就咁就一世，所以你更加应该要为自己加油，唔好咁易放弃。 你而家先27，仲有好长嘅路，机会永远都是留俾有准备既人。 准备好自己，当机会来到你先有能力去争取。若轻言放弃唔准备好自己，机会来到你手都只会流走。」

有网民安慰道，「你识得检讨自己嘅问题，比好多人都好，唔好浪费时间自怨自艾，努力过好每一日」、「27岁仲好后生，最紧要知道自己想要咩。set好目标，努力向目标迈进，唔好三心两意半途而废」、「其实有好多做研究嘅读完博士年纪都唔细先出嚟做嘢。不过既然你屋企唔等你开饭，今次当然要读埋个本科学位先喇。年青时都已经任性咗，而家就努力啲读拎个好成绩方便第日再进修。年纪唔系问题，但你预人哋只会畀fresh grad价钱去请你」

帖文转载自《廿七岁仍然无做过全职工作，人生是否已完？》