揭三招日常眼部护理　张敬轩避睇污糟嘢：尽量唔睇自拍

张敬轩（轩仔）早前拍摄眼药水广告，片中展示了水汪汪大眼及琴技，引得粉丝们纷纷赞靓又大叫「钢琴王子」。问到拍摄前的准备功夫？要拍摄眼部Close up镜头的他笑谓：「嗰日特登叫『遮遮（轩仔工人姐姐之称呼）』烘热啲包，然后我「哄」对眼喺啲包前面，等啲蒸气去蒸一蒸对眼，蒸对『面包眼』出嚟，咁就好Bling bling啦。」轩仔又分享了三招日常眼睛护理：「第一招系尽量唔睇污糟嘢，譬如尽量唔睇自己嘅自拍啦；第二就系尽量少捽眼，因为有鼻敏感嘅人都锺意捽眼，我都会提醒自己唔好捽眼；最后就系要滴眼药水，睇嘢清楚啲，睇人都清楚啲呀。」