凑仔女忙到甩辘　吴若希乐见菊梓乔遇到真爱：未来嘅嘢冇人知

吴若希（Jinny）婚后诞下4岁囡囡Giselle和10个月大囝囝Kylian，她透露昨晚出席活动前，要先陪一对儿女食饭，再极速以半小时化妆才能出来，分秒必争！她说：「每晚要等两个小朋友瞓着，先有自由，即系有做妈妈嘅me time，因为呢段时间太开心，即使每朝8点要凑读K2嘅大女返学，我晚上都会好好享受到凌晨2点先会瞓觉。」

Jinny自爆早前要拍剧的时候更是忙到「甩辘」，经常让大女「带漏嘢」返学，很尴尬，幸好幼稚园功课简单，不懂中文的工人姐姐也可以帮手；而老公虽然有帮忙凑小朋友，但因通了关，开始要忙生意及见客。问到一对子女看到她出街会否扭计喊？Jinny笑谓：「冇喎，仲好潇洒咁任我走，可能佢哋好开心终于冇王管，有自己嘅me time，哈哈。（是否怪兽家长？）暂时唔系，不过大女快将升读小一，要准备应付考试同面试，亦发觉佢有几多进步空间，某些事可以做到，所以都会畀少少力佢。」

另外，谈到吴卓羲和菊梓乔的绯闻，她表示有留意到，并指大家能找到真爱是好开心的事。说到吴卓羲已否认，Jinny说：「咁都可以做下朋友，冇问题，未来嘅嘢冇人知。」