【独家】10个月大小糯米太得意 Robynn难平衡凑B与工作

叶晴晴（Robynn）离开Robynn&Kendy独立发展后，去年佗住BB下先后推出3首英文歌，最近趁住B女Naomi（乳名小糯米）10个月大，Robynn推出单飞后首支广东歌《尚有一堆理由显出我优秀》，既为重新出发的自己、也为大家打气。不过她笑指要兼顾工作和凑B好难取舍，因小糯米太得意，她不想错过任何一刻，所以暂时都学习紧平衡两方面。撰文：杜淑霞 摄影：叶君海 发型：[email protected] 场地：@tuvehote

去年Robynn在疫情下加上佗住BB，先后推出3首英文歌《Lost Forever》、《Fifth of May》及《Little Love》，原来《尚有》在她佗B期间已录好，「录呢只歌时都惊自己，会唔会生完之后成个心态所有嘢转晒，唔想再出嚟分享自己音乐呢？我偏偏喺就嚟生得时录好咗呢首歌，去提醒自己如果生完后唔去plan佢嘅MV或者宣传，系对唔住只歌，咁样自己谷番自己走番出嚟。」

以新人重新出发

今次新歌《尚有》Robynn继续亲自作曲，搵来陈耀森填词及苏道哲编曲及监制，两位制作人先了解她创作时心态再配合，「嗰时经历紧好多转捩点，离开唱片公司，离开组合嘅角色，有好多旧有包袱，但都可以重新开始。我同填词嘅森仔讲想歌词直白啲，令到观众好快代入，好快有个出发点听呢只歌，过去呢年大家都系经历紧好多转捩点，好多嘢突然之间唔同晒，点样掉低晒以前所有唔开心，好似一个新嘅人继续行，呢首歌唔系离开公司变咗个人嘅意义，而系同时间我系一个妈妈，要继续去信仲有一个梦想，尚有好多埋由去继续行。」



Robynn坦言小糯米出生后，心思都放在她身上，要平衡工作不容易，「见到佢个心就融溶晒，觉得冇嘢比佢重要。今日化完妆都唔想出嚟，头嗰半年我真系围绕住佢生活，唔记得自己schedule，净系记住佢几点食奶瞓晏觉，带佢去游水会唔记得除自己面层衫就跳入泳池，加上我个性又比较懵，哈哈！我尽量唔会连续两日做嘢，每日最重要moment系夜晚佢冲完凉，去喂奶𠱁佢瞓觉。」