姜大卫撑爱子演舞台剧：及格以上

　　(星岛日报报道)姜大卫（John哥）和李琳琳的儿子姜卓文（细John）近日主演舞台剧《香港生死书》，昨晚细John获父母捧场支持，John哥不禁大赞囝囝表现不俗达及格以上，细John即自嘲有如读书成绩亦是及格以上，他坦言得知家人前晚来捧场，出场前紧张心跳。

　　由细John、林宣妤（Serene）与苏子情（Gabriella）主演，胡恩威担任导演的舞台剧《香港生死书》昨晚假文化中心公演第三场，细John父母姜大卫（John哥）和李琳琳现身捧场。欣赏完细John的演出，John哥都忍唔住赞个仔：「好难得！做戏、唱歌、跳舞，同舞台剧完全唔同，当中以舞台剧系最难，因为无得NG，我觉得佢都做得几好！」John亦赞赏两位女主角的演出。

　　23岁就成为影帝的John哥，原来对舞台剧有一定的恐惧感，他表示：「我都有做过舞台剧，做过三、四次，自己都有恐惧，每次做完都会大病一场，因为压力太大，大过拍电影好多好多，所以我都估唔到佢（细John）承受到，始终舞台剧好考人，佢做得OK啦，等佢慢慢去感受当中的乐趣。」对细John第一次演舞台剧的评分？John哥：「及格以上啦，好难畀100分！」细John笑说：「同我读书成绩差唔多，都系及格以上！」

　　此外，琳琳姐亦见证了儿子的转变：「睇到佢喺屋企好用心，每日熟读自己的对白，以前佢做嘢无咁肉紧，今次真系好努力，希望会有更好的成绩。」细John和应妈咪：「我做嘢一向都咁肉紧㗎！」