Fans为毛孩筹六位数贺26岁生日 Jeremy自认宅男「佛系」等对象

明天（8日）是MIRROR成员Jeremy（李骏杰）的26岁生日，碰巧他今日有活动要出席，现场即吸引大批Unicorn（Jeremy粉丝昵称）到场支持！Fans大唱生日歌，又表示：「李骏杰！25+1，生日快乐！」。问到Jeremy正日生日有咩活动？他指：「都系喺工作中渡过，不过可以开工过生日好开心，相信MIRROR都会送个蛋糕仔畀我。」

提到一班Unicorn为他举行连串庆生活动，包括广告版、慈善义卖活动、相画展及Cafe，Jeremy表示：「上年生日大家买广告灯箱，我已经好感动，觉得好开心，今年仲多咗好多粉丝锺意同支持我。希望大家将啲钱用嚟做善事，因为我今年初领养咗只猫『Nana』，Fans仲筹得超过六位数去帮小动物，好Surprise大家咁爱护毛孩。」

谈到可会现身相展给粉丝惊喜？Jeremy说：「昨日去咗打卡，睇到场地布置好有心思，感觉到大家嘅爱，我觉得自己要做得更加好，先报答到佢哋。」对于生日愿望，Jeremy希望疫情尽快过去，因为好想去旅行。一直单身的Jeremy亦被问到恨唔恨拍拖，他表示随缘：「我觉得拍拖好讲求缘份，但我自己成日『宅』喺屋企，比较难接触其他人。（择偶条件？）笑得靓嘅女仔，同埋要锺意『Nana』，亦唔抗拒圈中人，随缘啦！遇到一个人已经好好，想专注事业先。」