男团P1X3L推新歌《Oh My God》 曾被叫「躝返屋企」道尽辛酸

跳唱组合P1X3L 喺《七救星》入面上天台跳唱一幕打动人心，连ViuTV台长鲁庭晖都有留意叫大家支持。PIX3L呢队组合名相当难记，被「点化」应该简单直接啲叫「Oh My God」，而佢哋亦顺应民意，正所谓打铁要趁热，近日推出新歌《Oh My God》，搵嚟作曲人欧国城，但作词及主唱都系「OMG」，歌词都是他们的心声，当中一句「个个都叫我躝返屋企」，但遇上挫折是否应该继续前行？道尽三子入行后辛酸苦乐！

三位成员亦有在社交网上发文，George留言：「呢首歌充满住不甘。但只要坚持总会有发光发亮的一天，《大海男儿》教识我哋三个『逆境自强』」；Phoebus则引用当中一句歌词「依家先至啱啱开始」，强调未来会继续努力；而年纪最细、只得20岁的Marco虽然被批评得最多，但就充满正能量：「话咁快就出咗道差唔多成年，睇返我自己由造星一路走到而家，可以讲系一波三折。呢条路充满住汗水同埋泪水，充满住挑战。不过，我好享受。亦都好幸运。」他庆幸有队友一齐行，希望大家可以见证佢哋嘅成长。ERROR嘅肥仔亦有留言撑师弟：「其实佢哋都好努力。」继续互相扶持。