红馆骚尾场两度Encore 方皓玟唔畀老公知同猛男共舞

一连四场的方皓玟红馆演唱会昨晚尾场，朱薰、Tyson Yoshi和女友Christy、张蔓姿、钊峰、李靖筠、王嘉仪、黄耀明等人都有捧场。尾场继续由RubberBand、林家谦和章尾而担任嘉宾，RubberBand的阿伟表示：「最后一晚，好唔舍得台上有型嘅方皓玟，因为之后会见返平时戆居居、讲嘢慢5秒嘅佢。」阿伟又代大家多谢方皓玟，因为她一直坚持为这个城市做音乐，带给很多人力量，「即使日子好困难，都用心做一个好好睇嘅演唱会。」方皓玟继第三场罕有Encore后，昨晚更两度Encore，又献唱《Life Is So Beautiful》画上完美句号。

方皓玟完场后接受访问，她指因为现场气氛很好，故决定加码Encore。她坦言：「有谂过开多几场，不过一步步嚟啦！第一次喺红馆开骚，希望带最好嘅演出畀观众，而且大家期待咗一年几，终于顺利举行好感动。」讲到造型性感，方皓玟表示：「啲造型好靓又好有型，期望一切以艺术行先，亦都想同全个团队再次合作。」

被问到会否开演唱会Part 2？方皓玟说：「今次个Rundown好值得睇，所以无论系全新或Part 2都想开。」今次开骚有不少半裸猛男Dancers，她笑言不敢再找更多大只仔伴舞：「（人数）已经有一打喇！个个都好努力修身，有好多肌肉好有型。（老公会唔会呷醋？）佢喺日本有嘢做，嚟唔到好可惜，不过我冇同佢讲个骚有猛男，又冇讲有网上版，佢都唔会自己搵嚟睇，哈哈！不过就算睇到都OK，佢好Open Mind。」