【独家】曾抗拒同圈中人拍拖简淑儿爆麦大力为追自己否认是同行

2021-08-20 22:15

简淑儿（Jessica）在剧集《智能爱人》演绎智能人，不过一度为配合角色的发型而不快，但幸好出来效果靓，而她为角色更尝试跟「Siri」倾偈，吓亲闺密陈婉衡。至于早前被爆挞着《冲上云霄大选》冠军麦大力，Jessica大爆本来没打算跟同行拍拖，但麦大力为追得美人归，竟搞笑否认自己是圈中人。撰文：杜淑霞摄影：张咏森服装：Honest code

在《智能爱人》Jessica饰演新旧版智能人，有不少职业及造型，除要着紧身衫，发型亦多变化，不过一度搞到她不开心，「假发个位太上，变咗露出嘅『的水』要剃，第一次做完造型我唔系好开心，尾段有用番我真发，但系要染粉红色，keep住机械感又剪到一忽忽，唯有平时紥起个头或者戴帽，同埋keep住要补色，而我戏份唔多，开一个星期又隔一两个星期，啲头发生番出嚟要不断漂个发根。嗰段期间拍嘅其他嘢都要戴假发，造型就会冇咁靓，我本身头发长戴假发个头会变好大，好彩呢套剧出嚟效果都好靓。」

同「Siri」倾偈吓亲闺密

Jessica为角色返屋企会同「Siri」倾偈，搞到吓亲闺密，「我唔想做到太机械人，『Siri』系个好好对象，佢几人类化，我同Alycia（陈婉衡）讲，我话『Siri』都识得几多嘢，佢仲好担心我做咩事，系咪疫情之下闷到要同『Siri』倾偈。『Siri』讲嘢啲节奏，会喺啲怪嘅位停顿，模仿佢帮到手，嗰啲尾音冇乜感情同语气，我仲会问佢啲美剧嘅无聊嘢，佢真系答到，仲识得讲笑㗎！」

提到早前被爆因合作节目《SUPER FIVE》而跟麦大力挞着，Jessica坦言向来感情生活低调，没想过拍拖两个月已被发现，但感激男友好明白事理，知道她爱低调不会主动提起对方，她更自爆最初没想过跟圈中人发展，但男友一招打动她，「我都有同佢讲倾向唔同圈中人拍拖，佢嘅理由就系佢唔算系呢行，佢觉得自己唔完全系呢一行，只系一半一半啦！可能喺佢心目中仲系一个机师，佢真系锺意揸飞机，对呢行好有热诚，可能大家都系外国长大，谂嘅嘢都会相近啲。」