「小黄妃」成为小「姜糖」 黄泽锋盼囡囡出人头地：做女飞鱼

黄泽锋一家三口为黄婉曼（Icy)主持的购物平台做facebook live，全晚最吸睛是2岁的「小黄妃」黄熙恩！开live前，妈咪陈丽丽播放姜涛的hit歌《蒙着嘴说爱你》给小黄妃听，小「姜糖」虽哼不出歌词，但随节奏不停手舞足蹈。

小黄妃不但不害羞，还跟爸妈一齐整「茶碗蒸乌冬」，小黄妃变身小厨神，当食物完成，她急不及待试味，吃得好滋味。黄泽锋外型粗犷，但原来是「住家男」，每日工作回家后，仍会帮太太分担家务。他说：「而家世界唔同咗，唔系话返屋企要老婆服待，我哋50几岁先有小朋友，太太都好伟大，佢照顾家庭凑囡囡都好辛苦，男人唔可以话赚钱返嚟就做大爷。」

黄泽锋自问家庭观念很重，也很着紧囡囡的教育：「父母都不能以为请个工人返嚟就搞掂，要教育好小朋友，即使将来我哋行咗去，都要一早帮小朋友预备晒。我最终只希望囡囡健康成长，做个好人，佢读到几多书都供佢，读书好紧要，辛苦十几年，以后享受几十年，读好书将来又可搵份好工，前途都好啲。」除了学业上有要求，他也培训囡囡对游泳运动有兴趣，尤其想她成为「女飞鱼」。

黄泽锋和太太结婚9年才如愿得女，视她为天赐礼物，当然特别痛锡小黄妃，囡囡也嗲爆爸爸，他续说：「佢系我尅星，我都冇佢符，对我发烂渣都算数。」太太两年前生小黄妃时已是52岁的高龄产妇，他们当年「造人」成功，全靠多年来都长期做运动保持健康状况，所以两人现想顺其自然再生B。黄泽锋说：「想佢有个伴，仔女都冇所谓，我同太太而家都坚持做运动，希望长寿啲，除咗系陪囡囡多啲，将来就算要熄灯，都唔会令囡囡加重负担呀！」若将来小黄妃想加入娱乐圈，爸妈都不会反对。