撞正泳池休馆冇得游水 方力申扮Lucy喊扭计：我哋系好演员
2021-08-17 07:30 
方力申自上月到日本采访东京奥运会，完成隔离及工作后，他一直仍留在当地观光，一有时间便到泳池游水，玩得开心又尽兴。他在社交网的限时动态上载多条片段，指自己见连续多天落雨，终于等到天气转好，可以去游水，但他到达场馆时才发现昨日（16日）休馆，令他感到失望。
不过小方搞笑地模仿李璨琛的3岁囡囡李元元（Lucy）前日（15日）因试完校服才发现未开学，嚎哭表示好想返学，他在片段中以索鼻想喊声线说：「正所谓天有不测之风云，落咗几日雨，今日唔落好天喇，谂住嚟游水，点不知佢今日唔开门呀！佢点解今日唔开门呀！咁点算呀……点算呀我，我行返酒店喇！」他打上「我好唔开心呀」、「我好想好似Lucy咁喊呀」。之后Lucy妈转发小方的帖文取笑：「呢条友话佢着咗条泳裤但冇得游水，然然佢都想喊，You feel Me？」小方回应称：「I feel you Lucy BB，因为我同你都系好演员。」
關鍵字
最新回应