【好养眼】首做Model有超模风范 张兆辉赞女儿考试成绩超卓好感动
2021-08-16 06:30 
近年愈来愈多遗传咗Daddy或Mummy优良因子嘅「星二代」，而且唔单止样子甜美，样貌标致，天生一副明星相，更拥有一副Model身形，相当有星味。
除咗「性感女神」邱淑贞和时装公司老板沈嘉伟嘅「饼印囡囡」沈月、「女神有望」龚慈恩囡囡林恺铃、「何家最美千金」何超莲、拥有43寸逆天长腿，任达华与名模琦琦嘅爱女任晴佳（Ella）齐被封为「最强星二代」外，张兆辉17岁「前世情人」张卓姿（Twiggy）都靓到爆。Twiggy长发披肩，身形纤瘦，皮肤白里透红，连眼神都识笑，一双电眼相当有吸引力，被形容系少女版李嘉欣及锺嘉欣嘅混合体。
昨晚辉哥喺fb上载抖音短片，片中Twiggy由「阳光少女」变身cool look首次为时装杂志做Model，Twiggy一举手一投足自然流畅，而且腰围非常纤细，流露轻熟女一面，相当养眼。身在内地嘅辉哥留言：「你读摄影，妈咪话读摄影必须学识畀人影，所以你的第一份暑期工作，我认为合格的。」
辉哥又大赞喺英国完成中五程度嘅Twiggy成绩超卓，辉哥开心说：「GCSE成绩表居然能拿到那么好的成绩，你説你有很努力温书，只是末派成绩表(前)不想説，我的宝贝珠#Twiggycheung，你令爹d好开心好感动，张兆辉。」原来Twiggy唔声唔声考获5A2B，眼见阿女又靓又叻，作为父母唔开心就假啦，张卓姿加油呀！唔知Twiggy读完书会唔会入行承接爸爸嘅衣砵呢？
最新回应