声．梦飞行｜谭咏麟突袭后台派定心丸 胡鸿均撑场同门周柏豪JW

《声梦传奇》学员在昨（13日）晚举行的第二场《声．梦飞行First Live On Stage》，得到校长谭咏麟及星梦师兄胡鸿钧（Hubert）到场观看，二人更突袭后台为大家打气。
校长即场传授心得，并大派定心丸，「我对所有学员都绝对有信心，佢哋嘅抗压能力好强，完全唔使担心，最想留意吓之前教佢哋嘅嘢有冇真系运用到。」
Hubert昨晚才第一次正式同15位学员见面，「好戥佢哋高兴，咁快已经有属于自己嘅演唱会，大家要enjoy好好享受个舞台，系一个宝贵嘅经验。除咗同15个学员打气，当然都支持自己嘅同门柏豪同JW（王灏儿），希望大家都good show。」
昨晚第三位导师嘉宾周柏豪首次登场，同黄奕斌（Hugo）合唱了两首歌《我的宣言》及《甘心替代你》，还重提大家初见面一个窝心的拥抱。柏豪说：「当时系第一次俾一个高大过自己嘅男仔拥抱，个感觉系几warm嘅。Hugo系一个好简单好纯嘅男仔，佢表现唔好被淘汰嘅时候，居然系担心连累我，好可爱。」
至于张頴康与老婆麦雅致拍拖到场观赏演唱会，除支持学员外，更加是来支持JW。