【独家】学识减压唔再搲头甩发曾乐彤开心再跟朱鉴然合作

2021-08-13 21:30

曾乐彤在新歌《拔刺》再度亲自填词，以自身经历用直白态度跟有缺点爱情说再见，她更自爆歌名本来叫《Bye》，而MV更搵来在剧集《熟女强人》合作过演情侣的朱鉴然演出，两人再度合作默契十足。提到早前因给自己太大压力，搞到搲完耳仔再狂搲头至头皮损甩头发，要暂定染发，她现在情况已有好转，因已搵到方法减压。撰文：杜淑霞摄影：梁志明场地：The AIR (The ONE)

曾乐彤透露最初写歌完词时，打算歌名简单用《Bye》，「首先系成首歌嘅重点，分手好乾净只系say个Bye Bye，冇任何解释同原因，都系我想表达嘅故仔，但后尾点解拣咗《拔刺》，公司纯粹觉得《Bye》唔老嚟，online会写成『Bye曾乐彤』，后尾都觉得啱，每个人其实都试过拮刺，个刺唔系令到你流好多血或者好痛，但令人唔系好舒服，拔咗真系会有身心舒畅感觉，呢首歌都系讲呢样嘢。」她坦言是自己爱情写照，「有过咁样经历，真系学到嘢。」

爱上买厨具整两味

讲到搵旧拍档朱鉴然合作，原来曾乐彤早已想邀请他演出MV，「之前都有谂过搵佢，但夹唔到时间，佢今次好有义气听到首新歌要男主角，我问吓佢真系得，好开心可以再次合作，本身合作过变咗熟识啲系好处。今次同个剧完全唔同，上次个剧系好开心，小情侣傻更更咁发生，今次有个闹交场面，我未试过同佢闹交，都几搞笑。佢状况keep得好好，都系咁高大有型靓仔，性格上都冇乜变好乐天好开心，喺度讲埋啲无聊嘢咁。」

早前因为压力搞到狂搲头暂时不能染发的曾乐彤，访问当日见她已再染发，原来搲头问题已有改善，「嚟紧会再染，都OK真系少搲咗。」她坦言疫情稳定有一定影响，令自己不再杞人忧天，「开头好担心好紧张嗰个时期冇咗，反而成日喺屋企专注买厨具煮啲小菜式，研究点样好快又好简单食到自己喜欢嘅嘢，时间好快就过。𠵱家都有剪吓片，同埋同事都会帮手，好似有个助力，之前有太多嘢担心，会有个无力感，𠵱家好番啲。」