Kelly Online｜答谢球衣赞助商 伍家朗引李静金句：波系一场一场打嘅

卷入球衣区旗政治风波并在奥运男单分组赛出局的男单球手伍家朗已从日本回港完成隔离，伍家朗今日在社交平台称「今届打出嚟嘅成绩都系未如理想，但绝对系一次好特别嘅奥运体验。」并向家人、教练及球衣供应商逐一致谢。他更引用乒乓球教练李静的金句说︰「波系一场一场打嘅，饭系一啖一啖食嘅。」他预告下一个目标未必是巴黎奥运，而是做好中间的比赛同训练。

伍家朗形容，「话咁快奥运寻日就已经闭幕咗，到而家其实都仲未反应得切等咗5年嘅东京奥运就咁就完咗。虽然今届打出嚟嘅成绩都系未如理想，但绝对系一次好特别嘅奥运体验，而且喺整个备战过程入面，我同我身边帮助过我嘅人绝对系付出咗200%嘅努力」。伍家朗又感谢「我嘅家人同女朋友由始至终都咁支持我打波嘅事业，等我无后顾之忧咁去搏杀」。

虽然发生球衣风波带来不愉快经历，他仍然感谢「羽总喺我由细到大不论比赛赢输都会鼓励我，一直俾机会我刷新自己最好嘅成绩」；「多谢Panasonic颁发奖学金资助我买装备备战奥运，多谢Lululemon同Fila喺出发前仗义相助送出我比赛嘅衫裤」。他特别提到，「多谢前赞助商Yonex，尽管而家我哋并无合作关系，但系喺赛区仍然愿意喺有限嘅资源同时间之下帮我赶印区旗，令我可以尽快收拾心情比赛」。

他并感谢「一直帮我备战，努力提升我技战术嘅教练们: 陈仁杰教练，杜鹏宇教练，刘志恒教练」，还有「我嘅队友，尤其是男单组嘅队友，无你哋我根本无得训练，你哋牺牲咗你哋嘅训练时间令我可以练得更加多」;「一众朋友们，你哋沿路陪我笑陪我喊，我开心时听我分享，我唔开心时又帮我减压」。

他亦不忘感谢「奥委会喺奥运期间一直做我哋嘅back up，等我哋运动员烦少好多比赛外嘅琐碎事」;「体院，体院各部门对我嘅支援真系功不可没，体能教练、治疗师、营养师、心理导师、科研部全部都尽最大嘅努力去帮助我创高峰」

他最后感谢支持者，「如果无支持者撑我，我都未必捱到职业生涯嘅哩一日。因为有你哋，我遇到低谷时更加有决心要起返身，我最想令大家替我开心，而唔系替我唔抵」。

他形容，「东京奥运会已经成为过去，亦都需要向前看。我下一个目标未必就系巴黎奥运会，因为正如李静教练所讲: 『波系一场一场打嘅，饭系一啖一啖食嘅。』所以我必须要做好中间所有比赛同训练，先可以再将目标摆喺下一届奥运会。」