Po十几年前排骨仔旧照 陈家乐唔觉意爆入行辛酸史

家阵玩Gym操到好大只嘅陈家乐今日喺IG贴咗张同友人嘅旧合照，佢话:「十几年前得120磅既(嘅)我，银行长期2位数，一年可能都冇两个job，前路茫茫，好在我仲有班朋友同支结他先顶得住😁。」

hashtag有两个，分别系点会估到今日既(嘅)我有165磅同埋点会估到个个都结晒婚生晒仔。

讲返少少历史先，陈家乐系参加2003年英皇新秀入行，当年佢17岁，青靓白净冇乜肉，IG提到十几年前嘅佢应该入咗行，但睇嚟相当心酸，无乜Job又无钱又前路茫茫，不过而家佢又大只又已经系电影男主角，仲要有女朋友连诗雅，前途一片光明啦。