【独家】AK有份做嘉宾预佢抢风头 邓建明雷有辉开Show前操肌状态大勇
2021-07-30 01:08 
太极乐队将于8月7及8日假红馆举行《Rainbow After Rain演唱会》，连日来5子积极备战，而MIRROR成员AK就喺社交网开心自爆将会担任太极演唱会7号晚嘅嘉宾，令唔少「生粉」扑飞入场「应援」。Joey Tang大赞AK既玩得又够Rock，强调唔怕被抢风头：「哈！佢离开咗个台，风头又落喺我哋度！」采访：方骞平 摄影：谭壹致 场地：Alive fitness HK @尖沙嘴喜利大厦
日前太极成员邓建明（Joey Tang）及雷有辉（Patrick）约埋去健身中心加操，务求喺最fit状态下演出，见两人玩完对打拳击，又喺指导下系咁操出手臂线条，状态大勇。
锺意AK成熟又好倾
Joey于3年前发现有脂肪肝，要的起心肝减肥，𠵱家成功踢走脂肪肝，健康理想。问到男人系咪著重狂操腰背部位嚟keep住力度？Pat哥大笑说：「最重要嘅事(传宗接代)经已成功咗。」Joey就话操脚重要啲，系男性荷尔蒙及淋巴最多部位。Joey又说：「我唔锺意做啲『衰嘢』，所以唔操脚！」讲到拳击对打，Joey仲自爆系rock友，试过喺Patrick饭局上饮咗支唔靓嘅酒同最靓仔嘅队友(Ricky Chu)有推撞，殃及出手撞开嘅和事老Pat哥，不过大家闹完就冇事，唔会伤兄弟情：「𠵱家rock嘢放喺枝结他度，搞到枝结他会著火！」而他请埋rock友AK喺7号晚演唱会一齐玩，Joey说：「佢好好倾，个人又成熟兼好玩，同埋听佢首《黑之呼吸》好正，我哋预咗畀人抢风头，Party梗有抢风头朋友啦！」
最新回应