谭旻萱赞193有亲和力 享受与男主角合作有火花

前乐队Dusty Bottle的键琴手JNYBeatz最近联乘193（郭嘉骏）推出派台歌《你是我的Bae》，并邀请谭旻萱（Mandy）做MV女主角，上演两子争一女的瞹眛情节。Mandy早前为Edan@MIRROR担任《E先生连环不幸事件》的MV女主角，今次又获邀请，成为MV女角抢手货，她笑说：「我好享受同每一个男主角合作所带出嘅火花，佢哋两个喺好努力之下得到而家嘅成绩，我好敬佩佢哋，不过我又唔会觉得自己系低人一等，大家互相尊重，大家合作，我一定要放百份百嘅力，会做好件事。」

至于两个男神又是否自己喜欢的类型？Mandy笑说：「我用自己为出发点，用颜色嚟形容，193系橙色，系亲和力好强嘅人；Edan系淡紫色，好柔和情歌王子嘅感觉，两个唔同嘅感觉，我个人好直、好锺意玩，如果性格上会系Edan嗰种会夹啲，当然我唔敢同大家抢啦，放心、放心！」

相比之下，JNY则表示有点紧张：「系需要啲时间warm up，始终系自己第一个MV所以有啲紧张……」在旁的193打趣问：「定系惊同女性有身体接触老婆会嬲呀？」JNY说：「两样都有啲啦。」Mandy反而觉得JNY很入戏，塑造出一个高冷慢热的形象：「佢比较慢热，所以我要aggressive啲，不过熟络啲之后就拍得好舒服。」193发挥搞笑本色插嘴说：「JNY有家室㗎，啲用字小心啲呀你，哈哈！」他亦笑言会自己加戏，因为在车上引发很多遐想。