【独家】未打算捧新人 陈果笑MIRROR无处不在　黄又南买楼花蚀20万吓亲

由16岁被发掘参演处男作《香港有个荷里活》，到《那夜凌晨，我坐上了旺角开往大埔的红VAN》及新片《鬼同你住》，黄又南与导演陈果至今合作20年，后者大赞对方处事和演技更成熟，又南坦言不想再当「𡃁仔」，希望透过《鬼》片转型，饰演地产经纪的他更有露股镜头，非常突破！说到本港楼市，早年跟别人夹份买楼花的又南，自爆蚀20万离场，令他自觉冇「上车运」，故宁专心为演艺事业打拼，也不当「楼奴」！撰文：黎宝伦　摄影：张咏森　化妆、发型：Henry Tse@BigCstyling　服装：Ted Baker

由陈果执导的惊栗喜剧《鬼同你住》，借鬼故讽刺荒谬的香港楼市现象，陈导说：「凶宅呢个题材好多戏都拍过，我觉得加入香港住屋嘅社会问题，成件事就多咗啲冲击，冇斋吓人咁单调。」

人哋膁自己就蚀冇上车运
3年前，又南曾扬言努力赚钱买楼，报答母亲养育之恩，惜这两年经历疫情，导致工作不稳影响收入，眼见楼市愈来愈高不可攀，如今他也打消「上车」念头，「而家买楼愈嚟愈贵，小学同学间屋4、5百尺都900几万，所以都系储多啲钱先。做演员都想畀唔同可能性自己，但一上车，每个月都要搞掂供楼，好多嘢就箍实晒做唔到，我唔想咁。」提到早年与胞姊当时男友夹买楼花，最终为止蚀心急放盘，倒蚀20万离场，未料一年后却狂升400多万，令又南自觉没上车运，「呢啲嘢永远唔会喺我身上发生，我系要实干，靠自己搵番嚟。」

盼MIRROR改变娱乐圈生态
当年陈果一手发掘Shine两大少男Idol，最近轮到MIRROR和ERROR崛起，问独具慧眼的他可会再提拔新人？陈果称视乎剧本、角色及制片人的要求，但认为近年港片预算不多，相信不少新面孔能弹出，并谓「ViuTV嗰班艺人」将来必获斟拍电影。不过，对于电视演员踩入影坛，陈果指观众接受程度一般较低，「睇电视唔使钱就睇啫，入戏院要畀钱就唔知点咁。（唔敢搵电视人拍戏？）世界系变紧，而家未知呢种现象有冇改变。」

虽暂未计划跟MIRROR和ERROR合作，但他笑道：「制片叫到唔通同钱拗气咩！（有睇过佢哋作品？）我有睇电视，有少少饱，唱歌、做戏、主持、广告都系你！我有少少攰，可能年轻观众唔觉得系问题，我都觉得旺，系好现象，但要睇将来，最难系维持曝光率同人气，希望佢哋Keep到，改变某啲生态或旧谂法，咁香港又多好多人用。」面对长江后浪推前浪，作为男团始祖的又南也自言会努力，「我都要Run住副偈，等自己唔好生疏。」