【独家】熊黛林短暂回港接力凑女　郭可颂约黎淑贤老公叹雪茄

久未在港露面的熊黛林（Lynn）月初现身公开活动时，自爆在内地逗留了半年拍电影和电视剧，此趟回港休息两个月后会再北上开工。事业心重的她狂接Job，连孖女Kaylor与Lyvia的3岁生日都冇得一齐过，老公郭可颂也投诉老婆离港又密又耐！一对宝贝女下月幼稚园开学，难得Lynn返嚟帮手凑女，重获自由的郭可颂日前即约黎淑贤的美容医生老公许智政（Angus）去铜锣湾Men's Talk、叹雪茄。采访：梁志明

自从生咗孖女后，熊黛林上围都升呢34C，「幸福人夫」郭可颂见到索爆老婆也热情得多，惜状态大勇的Lynn近来密密北上搵银，留下一对宝贝女畀老公凑。Lynn近日终于回港接力照顾囡囡，郭可颂也把握短短的两个月时间，相约好友出街呼吸「自由」的气息！日前下午3时许，《头条日报》记者见到郭可颂与黎淑贤老公许智政在利园三期西餐厅BELGOS饮嘢吹水。

两个钟Talk show
其间两位人夫好识叹，各自叫了一杯Gin Tonic和红酒，坐在户外一边摸住酒杯底倾偈、一边食雪茄。估计郭可颂好耐冇见人，当日几乎全程也是「有佢讲冇人讲」，疯狂尽诉心中情，还不时肉紧郁晒手，而Angus就充当聆听者，间中搭两句嘴，唔知有冇呻吓家事呢？讲讲吓仲忽然大声笑；全程吹足两小时，郭可颂由头带到落尾，完全冇Dead air，但Angus可能听到有啲攰，开始攞部手机出嚟上网睇吓名表。饮咗成杯Gin Tonic落肚的郭可颂，戴番个口罩、除埋副超去完厕所再埋单走人。