唔要惊喜只想爱得浪漫 江美仪离婚因步伐不同：真系顶唔顺

江美仪作客黎芷珊主持的最后一集节目《单对单》将于明晚（17日）播出，出名爱狗之人的江美仪，特意带同爱犬Teddy与Tina在节目中亮相，又带芷珊畅游自己平时跑步的地方。美仪坦言视两头爱犬如人仔，除了喂它们吃保养品，更会亲自煲汤给它们。谈到爱动物之人养宠物最害怕的地方是生离死别时，美仪感性地表示：「系要面对嘅，因为永远唔知道只狗系咪会突然离开，所以要珍惜每日嘅时间，爱要及时。」

作为家中长女，美仪指自幼被父亲视她如儿子般教育，甚至还帮忙搬过冷气；不过其实美仪恋爱时还是会渴望成为小鸟依人，只是遇不上对的人。健谈率直的美仪，指离婚真相是因为大家步伐不同：「佢都好大压力。佢系某某个仔、某某嘅细佬、同边个边个嘅男友，佢永远冇一个好清晰嘅身份。」美仪又谓因工作关系，经常不能陪前夫吴君祥外出应酬，以致前夫要听闲言：「可能好小（好似冇乜嘢）嘅一句说话，我觉得佢听咗会觉得好似我哋身份有距离。」

一个爱热闹、爱朋友，一个想爱得浪漫一点，加上生活习惯不协调，令美仪觉得不开心与日俱增，就算双方曾尝试挽回，也因步伐差异未能成事：「我见佢冇乜特别行动想箍煲，或者我要求高，我希望佢呢样嗰样，可能佢做咗我唔觉，或者唔系我想要嘅，佢有讲过话我想佢做嘅嘢佢做唔到。」美仪又指提出回复朋友身份的契机，是前夫到了内地工作后，她发现一个人都可以很开心和自由。「（关系长咗系咪老奉咗？）佢有惊喜嘅，有搵我朋友搞惊喜派对，但我唔系想要呢啲。我想两个人烛光晚餐，真系顶唔顺！」坦言有感到受伤的美仪，对于该段关系却没有遗憾：「爱过咪得咯。」

美仪还带了芷珊打坐静修，她透露之前也是靠打坐走出阴霾：「初初坐坐吓会脚痹、腰骨痛，但只要坚持嘅话，知道目的系乜，好快啲嘢会走开。最好喺户外打坐，因为可以闻到花香味、草味，搵到嗰刻嘅宁静。」纵然受过情伤，美仪不排除会再寻觅另一半，只是不会再同居：「有鼻鼾点算？又要重新适应过，好似好烦咁。」