【又系船P】出海拍《#后生仔》伤脚趾公 冯盈盈入院缝6针吓到尖叫

J2综艺节目《#后生仔倾吓偈》众主持冯盈盈、戴祖仪、陆浩明（6号）、孔德贤、黄凯仪（波波）等早前走出录影厂，齐齐出海开船P，寓工作于娱乐！不过盈盈开工期间竟发生意外，不但血流如注，更因而入院缝了6针，十分夸张！

今（9日）午受伤未愈的盈盈，在助手搀扶下一拐一拐现身《#后生仔》录影现场；穿著拖鞋的盈盈，右脚脚趾公「包到成只糭」咁，行动力亦大受影响，需要助手常伴身边帮忙。开朗的盈盈依然与现场工作人员有讲有笑，期间更遭同事封为「缝六针」，令她哭笑不得。

及后盈盈接受TVB娱乐新闻台主播许文轩（Edmond）访问时，笑著「还原」事发经过：「嗰日其实我已经唔使玩啲好激烈嘅水上游戏，只系留喺船上面做好主持嘅工作，点知偏偏我系最伤嗰个。」盈盈指当时可能未有为意船上翘起了的铁片，结果脚趾公因而遭殃，她说受伤当刻没有半滴血，但过了数秒后即时血如泉涌：「鎅亲嗰吓好似俾纸鎅到手咁，唔系好痛，但现场同事就好紧张，同埋见到有块皮反咗出嚟。跟住我就用水冲个伤口啦，呢个时刻啲血就系咁涌出嚟喇。」

盈盈又谓到了医院后，听到医生表示需要缝针后才知事态严重，更吓至哭了出来。她又笑指原来打麻醉针才是最惊吓：「打针先系最痛㗎！支针一拮落嚟，我就尖叫咗出嚟，全个医院都听到。我唔知系咁，因为我第一次缝针咋。」