崔宇植十周年线上Fan Meet 防弹V朴叙俊百忙抽空撑老友

本周一，崔宇植透过直播平台举行10周年线上粉丝见面会「仲夏夜之梦（한여름 밤의 꿈）」，除咗唱歌，公开绝密童年相外，更邀请了Wooga Family 出席，包括防弹少年团的V、朴叙俊、朴炯植及Peakboy。虽然众人都有工作在身，如V忙为新歌宣传，朴叙俊及朴炯植忙拍电影，后者更向剧组请假闪出嚟，令主人翁非常感动，而此次见面会播放量逾100万次。


崔宇植一见到老友出现，不断强调「多谢你哋嚟呀」，V睇得出对方好不安，即问他:「你好紧张？」宇植即回应：「我10年来第一次办见面会！」 对于首次一个人直播Fan Meeting，他仰天大喊「真系好艰辛呀」

崔宇植安排咗问答环节同Wooga Family玩，其中一条问题就系叫众人估吓崔宇植手机入面用咩名Save朴叙俊个名？冇一个人估中，答案系「朴容圭司机」。崔宇植自爆以前唔识揸车时，经常会call朴叙俊载佢，而朴容圭就系朴叙俊原名，朴叙俊听完大笑：「你唔打算改吗？」他表示：「我Save咗超过8年！」言下之意似乎唔系好想改，令其它人大笑。

结束之前，防弹V有嘢讲，「大家好，首先非常开心及感谢今日喺度可以留下回忆。今次系我第一次以嘉宾身份出席Fan Meet，谢谢大家的热情欢迎，7月9日我们(BTS)会推出新曲， 希望宇植的粉丝们也能得到小小的治愈」讲完V仔先问宇植，「可以宣传吗?」当事人都忍唔住笑出声。

最最后，V仔老实不客气，一支箭跑去角落拎走咗部PS5，睇嚟佢睇中咗好耐喎。