【三缺一】C AllStar新歌MV火场逃生 钊峰下落不明

C AllStar日前为合体后第三首新歌《没明日的恐惧》拍摄MV，这歌是他们成军以来，首次演绎成员何建曦（Jase）填词作品，4子显得份外投入卖力。Jase说：「MV故事系个世界剩低好少人类，每个人都有角色前设，我系有钱佬，On仔系流浪汉。虽然MV唔系完全跟据歌词拍摄，但意念都系一样：『如果没明日，大家点样自处呢？』」On仔续说：「所以导演以一对男女主角两日后要分离嘅故事嚟表达，呢两日佢哋会做咩？」
其中一幕火灾场景，On仔、Jase和King预先以特技化妆弄得血流披面，伤痕累累，前往上车路上扮流氓扮被打伤，但没有途人上档。King笑说：「因为做唔到世界末日大场面嘅悲壮场景，所以我哋用一场火灾交代。刚才我哋同啲火好接近，几乎烧到背脊。（Jase问：有冇烧起你对音乐团火？）燃烧晒！」On仔则说：「刚才唔只火势好劲，仲有爆炸添！」King坦言好惊！
他们又称导演预先叮嘱他们「带多两条底裤」，但他们都以为导演讲笑。King说：「我以为救火嘅水会喷湿我哋，点知系因为来回跑入火场，全身湿透汗水。」拍摄顺利完成，惊险过后On仔变得好风骚，穿著黑色背心的他唱《友情岁月》歌词「消失的光阴散在风裹」。好唱口因为就快红馆开骚，对于门票火速售罄，他们齐声表示希望加场，更扬言：「100场都唱呀！」

MV中火灾重头戏，C AllStar却三缺一，原来钊峰另有任务。他说：「我3个兄弟去救火，点解我唔喺嗰度？唔透露，畀大家想像空间。C AllStar喺MV帮男女主角收集回忆，我角色就好似个坏人，将纪录咗佢哋美好片段嘅录影机关掉，好似一下子毁灭晒所有回忆咁。」另一场戏，On仔和King与男女主角「最后晚餐」后道别，On仔忍不住眼湿湿，但King表现冷静。Jase见怪不怪，说：「King最冷静，上次红馆唱《此刻无价》，我哋3个喊到停唔到，唯独佢企喺一边望住我哋，冇喊。」King解释自己只是用另一个方式去投入当时气氛，只是没有流出眼泪。