疫情下推出健康食品 诸葛紫岐爆同老公薛嘉麟钱银冇计较

穿上旗袍嘅诸葛紫岐(Marie)和朱李月华等昨晚(26日)出席《中国女性百年风采音乐会暨图片展》，82岁嘅国宝级钢琴大师刘诗昆与与太太孙颖参与演出。有于疫情下有更多基层家庭需要帮助，Marie今年加入咗「香港岛妇女联会」行善，最想带同长子薛华韬一齐探访家庭，送上物资，去年两母子都有齐齐去派月饼。

诸葛紫岐将于下月推出个人品牌健康食品，透露暂时做网店，由自己落手落脚做埋宣传，若效果好才考虑开设实体店，问到是否由老公薛嘉麟畀钱投资？还是她出动私房钱？她笑说：「都冇乜分别啦！我哋嘅钱都系留畀小朋友！」她没有计算过投资咗多少钱，最重要对品质要求高，健康和有机。

另外，对于因卡拉歌曲版权问题，老公薛嘉麟遭香港卡拉歌曲版权联盟有限公司呈请清盘，Marie承认两公婆都唔开心：「但喺疫情下真系冇办法，希望疫情快啲过去，𠵱家已经多返啲人再去唱K。」被追问有冇信心将卡拉ok生意搞返好啲?她表示一直运作中：「𠵱家只要打咗一针(疫苗)就可以去唱K，我哋会配合政府嘅做法，亦推出咗已接种疫苗嘅顾客，可获两小时免费任唱嘅优惠，所以𠵱家卡拉ok生意都好返好多。」