【Juicy叮】新楼住1年租客整烂墙身门窗连梳化也取走 业主欲扣按金遭抵赖

放盘出租有时都要人夹人缘，万一遇人不淑可谓得不偿失。有网民在「香港讨论区」发文抱怨，2年楼龄的新楼放租予租客1年后，发现租客将单位多处门窗家电损坏，连新买的梳化也被人换了二手梳化，一大堆损坏相信要几千元维修善后，租客却抵赖最初入住已经是这样，还威吓业主如果扣起按金是犯法。

业主的太太发文指，租客只是租了1年，5月31日完约，6月1日晚收楼时交不齐锁匙。业主又退了1个月按金的支票，7日后过数，现场讲到明有野坏会取消票扣数，冇野坏票可入数。但收楼当日水电表、住户证都还未取消，租客离开后却急不及待问点解7日后才过数，完全忘记了现场巳清楚交代过安排。太太讲述，「现场简单问佢（租客）间屋有无咩问题，又话无，业主见到门锁，窗有问题又唔出声，一话（嫌）水箱点解咁慢又识出声」

到本月3日下午，业主上楼清洁才发现家俬后面的电掣面板墙身，因为租客改动过，相信是安装上网工序时导致，令到一排掣面板的墙边爆开，电器、门锁都有坏，多达几处问题。

她形容，「墙身，窗多处胶纸渍，正常常识会贴呢啲位置？地脚线上、电视柜后、梳化后、窗帘后，正常人会贴墙行搞到大哒或一大行污渍？厕所镜柜下被熏黑晒。厕所白色洗手盘有色粉，整走啲粉，原来陶瓷盘有几度黑痕，水塞又漏水，连厕纸个架都可以烂咗。厨房洗碗盘花到用咗廿年咁款。细件垃圾我清理咗，袋埋五大袋咗右（开门隔离就系垃圾房）十日用一次大门锁好无？锁柄松晒，锁匙插入只可转一面90度开门，唔可以另一方向反锁，佢话一早系咁，正常人一早系咁唔出声？洗衣机唔识用，唔攞说明书睇，洗衣途中机内有水都可以打开机门，开唔到，水连衫系洗衣机内几日，要叫业主上门整。洗衣机附近木门板皮，我估因为洗衣液落得太多，有泡同水系机内漏出，木皮爆开晒，有一条直头无埋，机身下部贴纸起晒角」

太太指，「依家要搵时间搵人上嚟报价维修，一上嚟就要收费，依家租客抵赖全部嘢佢一租就系咁，佢（说）未取消表同住户证都唔影响业主，业主收咗楼两日咩都有可能，对佢唔公平……」太太抱怨，「两年新楼完好租畀佢， 依家佢话自己完全无问题，租咗一年无可能完好交楼，话业主取消支票扣数系开空头支票，犯法」

她又透露，一直无接触过这个租客，「只知租客一早话我哋张新梳化唔好坐，要换，我老公又OK，到最后租客影相话有家俱唔要，影相过黎睇，我张梳化仲系度，我自己一心谂住自己买的梳化收楼仲系度，所以连收楼时都无为意到，租客巳换走咗我张梳化，换咗张二手同色梳化」她怒批，「佢人为整坏都可以咩都唔认错，信箱锁匙都整唔见至少大半年，信一直放管理处，咁耐都唔识换返个信箱锁，管理处电话经常唔听，佢迟到成个钟」。

帖文转载自《一年死约完左，整坏野租客话正常，佢冇问题》