【调教你MIRROR】姜涛暂代队长暗爽 Jer暖男提女友M痛食药

ViuTV昨晚播出《调教你MIRROR》第二集，12位镜仔终于到达梅窝。正式入Camp前，梁祖尧转达经理人花姐的说话，要求大家交出电话。成员向家人Send出「最后的短讯」，其中阿Jer（柳应廷）选择通知女友，更提醒她M痛要食药，祖祖疑惑反问「你唔提佢，佢就唔食药，之后呢14日就会嚟M？」Stanley（邱士缙）代答：「你唔提佢，佢就会话做咩唔提我！」Jer虽然笑晒点头同意，但亦表示要体谅对方，又暖又甜。

抽签拣房时，姜涛及Jeremy（李骏杰）都不想与Edan（吕爵安）同房，最后由Jeremy及Ian（陈卓贤）「中奖」！Edan最开心，因为Jeremy好识照顾人，果然系「通渠CP」；Ian就表示Edan在《造星》十强去美国时好污糟，怕房间卫生环境会好差，即被对方反驳「其实我有基本卫生」！

怕房间有鬼的Anson Lo（卢瀚霆）被祖祖吓亲，又被搜出带「杯」去Camp，原来系漱口杯；Lokman（杨乐文）就被搜出丝质内裤。众人食Lunch时见到餐厅台面有4只杯，激似《MIRROR GO》泰国篇的惩罚环节，姜涛更即时检查环境，队员疑心病发作相当不安。另外Lokman可在今次旅程暂时放下队长身份，他交出位置给姜涛，姜涛对期间限定「梅窝队长」一职虽然惊讶但又忍唔住笑，期待睇姜队长表现。最后祖祖也答应大家，今次不会像《MIRROR GO》一样玩残12位仔仔。