【好闪呀喂！】俾人寸膊头阔好大只　邓小巧获外籍男友爆粗力撑

邓小巧自4月初飞赴温哥华放大假，其间仍不忘于社交网分享当地日常，见她得闲行山睇瀑布、湖边Camping，又坐哈利（Harley Davidson电单车）游车河，日日过住慢活生活，十分写意。不过玩得咁开心，最主要都系有外籍男友「白先生」全程陪伴！

上月25日回港的小巧在隔离期间于IG密密出Po，继早前贴出男友遮脸照后，今日她再公开了二人戴黑超的合照。相中，小巧仲小鸟依人般依偎在「白先生」壮阔的胸膛上，又留言大晒二人Sweet爆对话：「今日我做完运动同白先生讲：『我个膊头真系好阔啊！我好想做一个弱不禁风嘅女仔。』白先生话：『你个膊头系阔啊，but that’s nothing wrong with it ,just embrace it.（但完全冇问题，咪欣然接受佢罗）』我：『啲人成日话我太大只😭。』白先生：『well, fuXk them, they are weak!（咁理Ｘ佢，佢哋弱啫！）』即刻觉得自己系小鸟依人。」一众网民纷纷留言嗌「闪」，并祝福小巧「Mr. White（白先生）」成为她的「Mr. Right」。