【Juicy叮】暧昧对象初次约睇戏狂踩地雷 港女怒斥：扣晒佢分

谁说与暧昧对象的初次约会定会留下美好回忆？有港女分享，近日与暧昧对象首次见面约会睇戏，但一场电影已尽见对方本性，她更列出对方各种恶行，直指完全「顶唔顺」！

该名港女在网上讨论区「Dcard」上，以「同暧昧对象睇套戏就已经扣晒佢分…」为题发文，指与暧昧对象相识半个月，对方早前约会她，二人经讨论后决定到戏院睇戏，出发前共同选好电影。不过楼主万万没想到，这一行竟是恶梦的开始。

楼主指，并非要求对方带外套借她披，只是希望对方可以安静专心地睇戏，怎料对方却完全做不到。她表示，男方本来就是「多嘢讲」之人，但他在电影播放期间仍然讲不停，一直在楼主耳边喃喃自语，而且是无关剧情的「无聊废话」。楼主感到被滋扰，于是叫对方安静，但对方竟开始每隔两分钟便拿出手机看一看，「你骚扰我都算啦，我哋坐紧中间个排，其他观众都会被你骚扰到㗎，叫佢收返埋啦，佢照继续用」。辛苦捱到电影快结束时，楼主本来想待电影主题曲、花絮或彩蛋，但男方突然一秒起身「赶住走咁」，楼主只能叫对方「坐多阵睇埋先」。

楼主表示，明白对方可能认为电影沉闷或「唔啱心水」，但她直指那是两人讨论后共同决定观看的电影，理应保持礼仪及一定程度的尊重，「宁愿你安静瞓觉，都唔好做呢啲行为系咁骚扰人」。楼主遂询问一众网民「有冇人都顶唔顺呢啲人，定系我要求太高」。

帖文引起网民热议，一面倒认为楼主的暧昧对象极无礼及不尊重，「咁嘅人我之后朋友都冇得做！佢由头到尾所有嘢犯晒睇戏大忌，佢仲要做到呢啲系骚扰到人哋嘅行为，散场嗰阵同佢一齐走都觉得羞耻」、「偶尔一句半句或者望一望都仲接受到 但一直系咁真系不了」、「我觉得依类人同理心唔系好够，睇睇下戏都唔想系咁烦住晒，仲要喺到玩手机，个地方都够暗㗎啦，仲要『灿』住其他人，只眼好累㗎嘛」、「呢件事反映到佢自我中心，唔听人讲，冇公众场合应有嘅礼仪，几乎踩中晒呢啲不论男女都唔锺意嘅地雷，唔系你要求高啦」。

资料来源：「Dcard」