【独家】户口两位数TVB捱足8年　33C赵璧渝「一脱成名」恨上位

拥33C丰满上围的赵璧渝（Osanna）入行8年，去年终凭无綫剧《法证先锋IV》一幕天台除剩Bra戏崭露头角，更带挈她Job量大增。回想过去茄喱啡生涯，试过被剧组遗忘、受伤冇人理、遭白眼，「嗰时唔敢同家人讲，自己匿喺房喊，最大压力系冇工开又唔畀得妈咪知，好惊亲戚问拍紧咩……」不过如今在《逆天奇案》戏份变多，她认为种种辛酸都是值得的，现时会捉紧机会乜都试，并以杨茜尧（原名杨怡）为目标，由艺训班逐步爬上视后宝座。撰文：黎宝伦　摄影：梁志明　化妆、发型：KoKo Lau　服装：IG @SHOWROOMbyGALA (Kana Boutique HK)　饰物：IG @mymori.co (Mori Jewellry)

由第26期艺训班出身的赵璧渝，虽然至今参演过逾70部剧集，但一直以来都是「茄喱啡」角色，直至于《法证先锋IV》一脱成名，及后在《逆天奇案》、《白色强人II》等剧集的戏份也愈来愈重，Osanna坦言压力逐渐增大，但谓：「呢种压力我想要咗好耐，因为中间有少少停滞，都系演OL、妈妈，角色转变唔大，发挥亦唔太多，自己就谂会唔会以后都系咁，所以而家我系Enjoy，会捉紧机会，希望可以上位。」

愧对妈咪
捱足多年仍籍籍无名，难免会灰心，试过户口存款不够100蚊的Osanna，直言冇粮出时曾想过放弃，「经济系几大嘅挑战，因为我畀唔到家用屋企，要悭住食、问人借衫，试过一个月收到几个炸弹，去埋份粮都呕凸，我就同人讲要做嘢罗。（愧对妈咪？）有，对比家姐赚到钱畀家用，我白食白住系会自卑啲，但妈咪好锡我，好多谢佢畀我咁任性，今次《逆》出街，我未见过佢咁兴奋，觉得终于畀人睇到自己个女有作品出街。」

恨献初吻
谈到《逆》剧中，首次发展感情线的Osanna笑称，很遗憾与拍档陈伟洪冇咀戏，问想向谁献出荧幕初吻？她怕丑笑道：「靓仔得㗎喇，同埋要好戏，我锺意有才华、魅力，唔一定要外表好靓仔。」不过，Osanna又大赞合拍《白色II》和《陀枪师姐2021》的陈豪，既风趣幽默又细心，是其心目中的Dream man，「有呢个福份同佢拍谈情戏梗好啦！」并谓想挑战狐狸精、小三等奸角，至于性感底线？她说：「电视尺度唔会太过份，做演员唔好Set太多Limit，合理、健康就OK。」