【Juicy叮】露台食烟遭楼上家庭投诉 港男：话会用震楼器搞我
2021-05-29 12:29 
要有好的邻里关系实在不容易！有港男指，自己平日会在家中露台食烟，近日被楼上一家3口投诉，指其烟味「攻咗上去」并影响幼子。他虽然为此道歉，但邻居就唔收货，更表示会用「震楼神器」报复，令他感到不知所措。
有男网民在网上讨论区「连登」发文，指自己平日放工回家及饭后，都会在家中露台食烟，而每次都会将烟头掉落马桶，不会掉落街。直至最近，有一家3口新居入伙，日前对方落楼㩒楼主的门钟，指楼主在露台食烟，「啲烟攻咗上去，臭亲佢个仔」。
虽然楼主闻言后立即道歉，并称自己「好声好气」地表示以后会「食少啲」，但对方就未有接受，更扬言若楼主再食烟就「日日嘈（住）我瞓觉」，而且会用「震楼器」对付他。楼主事后就询问一众网民：「系咪应该同管理处讲声，定唔理佢？」
帖文一出，网民的反应两极，有人认为楼主因不想屋内有烟味才到露台食烟，却因此而影响其他住户，批评楼主的行为自私，「自私，返到屋企都要闻住你啲臭烟，有冇谂过人哋屋企有小朋友」、「你出露台食都系唔想屋入面有烟味，但你喺露台食就会吹晒入人哋屋企入面。你咁理直气壮，点解唔闩窗开冷气喺间房入面食？」、「你有你自由食烟，但人哋都有自由唔吸你啲2手烟」。
不过亦有网民同情楼主的经历，认为食烟是个人自由，而且楼主是在个人住所范围内食烟，批评楼上的住户多管闲事，「佢唔锺意咪闩窗，唔通出面有死气又要闹架车？地盘有废气又闹？」、「凭我本事，有露台，可以食烟，点解关楼上事」、「食口烟都唔得，好惨」。
资料来源：「连登」
關鍵字
最新回应