【维港会】学生皮鞋未乾穿拖鞋被罚小过或整月脱鞋 港妈犹豫应否投诉

有网民在网上讨论区「亲子王国」发文，指就读中学的儿子在雨天因皮鞋未乾透，贪方便就穿拖鞋回校，结果被老师惩罚记小过否则就要整个月在学校都要脱鞋，儿子希望妈妈介入，令她不知如何是好。

港妈指，儿子就读的中学，校规严格，必定要穿整齐校服才可以回校。但因为之前下雨令皮鞋湿咗，他于是就穿了对拖鞋上学。港妈当时有提醒过「佢用风筒吹返乾皮鞋，但佢唔听，一意孤行贪方便着拖鞋」，港妈还表明：「你唔听冇问题，但你比老师罚唔关我事！」

港妈近日洗衣服时才发现儿子白袜底全部是黑色，「佢就话因为俾训导Miss见到佢着拖鞋返学，罚佢一系拣记一个小过，一系一个月返到学校就要除鞋，净系可以着袜」

儿子大为不忿，希望妈妈代为出头投诉，但她觉得这样做好似纵坏了儿子。「呢件事情其实我想俾啲教训佢，等佢明白尊重校规嘅重要性。第日出到嚟社会，冇人会教佢。」港妈又补充，后来学校训导老师来电称，如果有家长信可以酌情处理，这个月让儿子穿黑色袜，这样大家感受上可能较好过。港妈于是不知该如何处理。

港妈又透露儿子以前也曾不服从学校权威，「阿仔试过放假交请假信，冇着到校服。书记姐姐叫佢着返套校服先至嚟交。阿仔竟然发晒脾气，问『点解我入一入学校交封信都要着成套校服，我屋企好远，我唔想换』后尾学校打电话嚟话我个仔发脾气，我话比次机会佢啦，佢由新界过嚟。但书记姐姐好坚决咁讲『入得呢间学校入1秒都要着校服，呢个系尊重嘅表现，唔会有酌情权』」

有家长就指，「唔会投诉，二拣一配合。一早叫佢唔好佢又唔听」、「唔会投诉学校，信可以写」、「唔会投诉，根本唔应该着拖鞋返学，但会帮佢写信」。

有严厉家长指不会介入，「我乜都唔会做, 校规一定要遵守, 后果要自己负责！ 难得学校肯教。 在学校犯错最多都系畀学校罚, 外面犯错分分钟要坐监！」「、唔会帮，已经有提醒佢都唔听，后果当然要自己负责，中学对学生衣着服饰都有严格规定，学生都要服从，今次比佢学习一次」、「唔会投诉，但会同学校老师反映个仔想投诉，希望老师、社工留意下囝囝情绪，注意下行为，依家小朋友好叻。好可能做啲出位事要胁大人。听过同学仔妈咪话个囝反叛期，系学校爬栏杆企跳吓老师，为求唔洗罚留堂」

不过家长就提出异议，「我觉得学校严得嚟个惩罚唔合理，着鞋系有保护作用，因地下可能会有钉或石仔等会整伤脚板，而且长期唔着鞋行路对成长中嘅学童会造成扁平足。我觉得罚系可以，但唔系咁罚！比我会同学校商量另一个可行方案，或直接接受记一个小过，等佢知惊。」、「但因为校服唔整齐而罚，系罚无得着鞋一个月，咁校服依然唔整齐。加上对袜整污糟，最后又系家长洗，变相罚埋家长，畀我宁愿直接记小过。完全理解唔到为咩要罚无得着鞋一个月，转头又可以写信求情着黑袜唔着鞋，但基本上夏季校服要着白袜，因为罚而要着黑袜，件事变咗本末倒置。家长要买黑袜，又要烦点写信，畀俾我真系唔会理，既然呀仔拣咗罚着白袜一个月就由佢啦，袜都要佢自己洗返，要佢学识承担责任同后果」

有人表明学校不合理，「罚系应该，但记过太重了，唔着鞋一个月仲更加离谱，我系家长一定投诉，呢啲学校真系无言」

帖文转载自「（急问！）究竟我咁样做会唔会太严」