陈山聪囝囝下水礼超得意 胡定欣肉紧强吻Jaco面珠

胡定欣早前完成新剧《白色强人II》的内地戏份，回港后急不及待去探望陈山聪囝囝陈霆轩（Jaco）！定欣在社交网大晒与Jaco的合照，短片中更强吻对方面珠三次，乖巧的Jaco一脸天真，任由定欣鱼肉。定欣留言：「Jaco仔，Auntie Nancy返黎（嚟）啦！锡啖先！你唔锡我，就我锡你架（㗎）啦！Eeeee.....好肉紧呀！」

圈中不少好友纷纷留言，林子善搞笑表示：「到我啦到我啦！我系想做俾人揽住锡嗰个，细佬你过去嗰边玩下（吓）玩具先。」姚子羚则代Jaco发声：「Auntie Nancy 唔好迫我啦！」爸爸山聪亦留言：「我身为佢老豆（窦），仲要拍住自己个仔俾我好姐妹锡到咁，真系唔知俾（畀）咩反应好。阿仔你第日大个自己执生啦！」

此外，山聪昨日在社交网贴出与Jaco去玩水的照片并留言：「大佬人生第一个下水礼，要好好记录下（吓）」，Jaco与爸爸在水中骑膊马，着住蝙蝠侠泳衣的他已玩到成身湿晒，似乎好尽兴，即使溅起好大水花，Jaco依然眼仔碌碌唔怕水。上水后的Jaco笠住蝙蝠侠毛巾保暖，模样好可爱呀。