【维港会】网民忧店猫健康倡带求医 街坊澄清获善待：咪睇图就话病猫

过往不时有陌生人因做好心或误会带走猫狗引发虚惊。有网民在荃湾见到一只猫无精打采地躺卧在行人路上纸皮箱，于是发文向网民求助，于是引发一批网民担心恐防遭受不当对待或患上疾病。不过一众荃湾街坊急忙澄清，该只猫已经19岁，只是年事已高并非病猫，只是虚惊一场。

有网民在facebook群组「天下猫猫一样猫」上载照片，称在荃湾香车街街市附近见到一只店猫闷闷不乐，于是问「佢状态好似好差咁。有冇人知道呢只猫嘅状况？」

网民纷纷留言大为担心，「系呀真系见佢呢个状况好耐，之前都唔知道佢系边间铺头嘅因为成日瞓喺街嗰度，其实都唔知可以做得啲乜嘢，只系觉得佢好惨。」、「好似病得好严重, 不如带去睇医生先啦」、「明知病，点都要带佢去睇医生，了解它情况」

不过荃湾区的网民急忙澄清， 「佢都唔知几好食好住，天气热去隔离铺门口凉冷气瞓觉，冬天佢主人就唔畀佢出门口，惊佢病。到时到后又有嘢食又有罐罐。佢系年纪大，睇落去咁都好正常。唔好话人养唔好呀。我差唔多日日都行过嫁。佢好听主人讲嫁，有次主人收铺，佢仲想出去玩，结果俾人话，之后乖乖入返铺。唔好偷猫呀，佢算系果头出名猫嚟嫁。」、「唔系，店主同我讲有买维他命补品畀佢食。始终只猫老，店主对于『爱锡宠物』同我哋嘅认知唔同，但一定唔系不理死活。」

有荃湾街坊表示，「佢系好老好老，近半年个老态出晒来。是铺头猫，会跳上陌生人身上的。一年多前睇落唔似老人家， 主人因为怕佢肥，有保持佢饮食，养到18-9岁，咪话人唔识养」

有网民就奉劝不要乱下定论，「活到19个年头衰极有限，唔好见佢瞓街就觉得好惨，佢有佢自在」、「19岁老猫系会冇咁精灵架啦。睇图就话系猫病仲话要捉去睇医生....」、「就算系爱猫的人，都应该唔好… 乱咁断估 …去自己推断一大餐就话系病猫！噚日探佢，真系骨瘦嶙峋得很！但睇住佢仲肯主动落地行去食嘢！」、「好多街坊明事理，佢始终年纪大，身体无以前咁好，但唔代表系病猫」。

发文者随后亦放下心头大石，「咁大年纪嘅话都理解佢嘅状况，起码店主对佢都有心嘅，知道咗都安乐啲」。

图片转载自「天下猫猫一样猫」