【寻人记】囡囡9岁生日王浩信唔见影 陈自瑶亲自布置派对做好妈妈
2021-04-27 23:24 
陈自瑶（YoYo）同老公王浩信嘅夫妻关系成为网民谈论话题，早前在TVB台庆颁奖礼上王浩信封视帝，所讲嘅一番感言，竟然激罕多谢频传离婚，坐喺台下嘅太太陈自瑶：「多谢屋企人，多谢YoYo悉心照顾个女⋯⋯」点知YoYo「黑面」回礼，随即被Cap图洗晒社交网版，两人婚姻状况再被炒热。
陈自瑶与王浩信嘅囡囡王靖乔（QQ）(27日)9岁生日，身为廿四孝妈咪嘅YoYo喺屋企为囡囡搞生日派对，仲好有心思咁买咗色彩缤纷气球做装饰，墙身更贴上「Happy birthday QQ（生日快乐）」的造型气球，相当有心思，而YoYo身穿嘅天蓝色衫仲衬晒气球颜色。YoYo放咗相片及短片喺社交网分享欢乐，留言指囡囡系佢嘅小天使：「小宝贝生日快乐。」然而无论在照片还是短片，都未见王浩信踪影，身为爸爸竟唔见影，亦冇畀Like或留言祝福，反而唔少圈中好友包括杨秀惠、黄翠如、朱晨丽、姚子羚及陈山聪都有祝贺。
關鍵字
最新回应