【独家】提议拍剧《姨姨我不想努力了》 小仪奉旨咀晒Edan黄奕晨
2021-04-08 23:00 
阮小仪最近拍住Edan（吕爵安）@MIRROR及黄奕晨（Dixon）合作主持ViuTV游戏节目《考有feel》，游戏由MIRROR恶斗ERROR，小仪赞他们玩得够投入令节目更加精彩。自认是「爵屎」的小仪，对于Edan已献出荧幕初吻相当不甘，笑言提议ViuTV搵他们三人拍三角恋爱情剧《姨姨我不想努力了》，到时她可名正言顺咀晒Edan和Dixon。撰文：杜淑霞 摄影：张咏森 服装：FILA HONG KONG(小仪)、Izzue(Edan、Dixon)
小仪坦承未拍前担心MIRROR有「偶包」令节目失色，但见到他们投入程度已改观，已真心成为他们粉丝，不过「爵屎」身份不变，「Anson Lo、姜涛呢啲偶像嚟唔玩㗎喎！？郁啲可能会有人保护㗎喎！？sorry真系冇罗！花姐都叫佢哋去玩，呢样嘢好好，所以由呢次《考有feel》之后，我对佢哋两队系完全改观，真心成为佢哋fans。」当日小仪刚出post讲姜涛，她即场向Edan否认已变心，「好多人问Edan定姜涛？我都系答Edan！」
讲到早前Edan拍港版《大叔的爱》跟队友Anson Lo咀嘴，AL指被他夺荧幕初吻不甘心，Edan反击也不甘心，仲卖口乖指荧幕初吻最想给小仪，小仪嬲猪话，「佢已经锡咗嘛！初吻冇咗就系冇咗啦！」见Dixon都好肉紧打埋大髀一份，小仪问他：「都唔关你事！你有冇呀？(Edan：你个荧幕初吻呢？）」Dixon话未试过，Edan叫他即咀小仪，却遭小仪投诉：「你乱送我出去㗎咩！？」搞到Edan惊到转軚，叫Dixon咀自己，劲搞笑！
三人觉得除拍下季《考有feel》外，更可一齐拍剧，小仪即场度埋故仔，「故事照系三角恋，你哋（Edan和Dixon）相爱，我系第三者，我锺意你（Edan），但𠵱家啲桥，锺意你唔系要掉走佢（Dixon），系要追到佢，令你伤心，再去𠱁番你。」她私心连咀戏都度埋，「我插入成为第三者，同佢哋两个都咀，佢哋两个冇得咀。」提议「姨姨我不想努力了」是必然对白，他们即决定用作剧集名，小仪再发挥创意，「首主题曲继《E先生》后，就系《姨姨连环不想努力事件》，MV又系我同Dixon罗！」小仪更着Edan，「你同花姐sell吓桥，一定要我哋做，其他人做唔到。」
最新回应