【独家】同黄定谦拍《无限斜栋》成好友 Ian同女友卢慧敏唔介意再合作

2021-04-08 19:45

Ian（陈卓贤）@MIRROR跟女友卢慧敏（Amy）及黄定谦（Himmy）合演新剧《无限斜栋有限公司》，令他们由不认识到成为情侣及好友，剧中他们有不少跟影帝及影后级前辈合作机会，他们都觉得不紧张，因前辈亲切又好玩。问到Ian和Amy恋事，Himmy不时出来挡驾相当老友，但Ian和Amy坦言不介意再合作，更想一齐拍续集。撰文：杜淑霞摄影：张咏森发型：Him Ng@The Attic(Amy) 化妆：Jenny Shih(Amy) 服装：Celine(Amy)、Diesel(Ian)、La esperiencia(Himmy)

今次剧集有强劲架士参与不同单元，包括有影帝太保、影后叶童及其他资深前辈，但三个主角完全冇紧张。Ian说：「前辈佢哋对我哋好nice，完全冇前辈架子，我哋食饭坐埋一枱倾偈。」原来连前辈也跟他们玩埋一份，Ian说：「黄光亮前辈饰演嘅『泰哥』，系个好恶嘅江湖中人，佢上嚟（公司）搵我哋，第一次见佢当然好惊啦！我哋斟茶畀佢饮，我哋就手震，佢又跟住我哋震，好开心大家好似一齐玩紧咁。」

虽然Ian同Amy在《男排女将》合作过，但Ian投诉女友对他完全冇印象：「我哋冇讲过嘢，佢唔知我喺嗰度𠻹！」Amy狂笑解释：「因太多人，我做咗『花花』（角色）半个钟，我只系知讲嘅对白，边个应我唔系好记得，我记得你（Ian）嗰时红色头发！」Ian笑言：「佢话我红色头发，我咁大个仔未染过红色头发！」Ian剧中角色表面玩世不恭，实则是个暖男，好识照顾Amy，问他是否同现实一样，他望向Himmy，而Himmy竟话自己可以评价，「佢对我好好㗎，买嘢畀我食，买咖啡问我要唔要。（有冇怀疑系『大叔的爱』？）唔使怀疑，已经系啦！（Ian：我锺意佢个新发型有安全感）」Amy笑指自己只是第四者。

剧中Amy被Ian和Himmy同时吸引，她觉得锺意一个人会被跟自己不同优点所吸引，问男友有何跟她不同优点，Ian提水：「我只眼细罗！」Amy说：「好人罗！」拍拖后两人首次一齐做宣传，两人都话唔尴尬，Ian说：「我哋工作嘅时候，就同事咁样。」至于再合作都不介意，Amy说：「我哋仲话要开续集。（Ian：我哋三个随时ready）」