【独家】转型独立歌手积储快乾塘 何雁诗不排除重返星梦

2021-04-06 10:00
Step感激每次出歌,老公郑俊弘都会落力支持。
Step感激每次出歌,老公郑俊弘都会落力支持。

何雁诗(Step)最近推出新歌《灰够》,以她过往一段惨痛爱情经历做蓝本,当时她曾为对方喊到眼肿,要长期摆定铁匙羹入冰箱用作敷眼,现在已成幸福人妻的她,录音也搞到情绪低落,好彩有好老公郑俊弘呵番。转型独立歌手年多的Step,原来准备推出EP作小纪念后,暂未有推出新歌计划,她直言因已花6位数积储已快乾塘,有意再签唱片公司,更不排除会重返星梦。采访:杜淑霞 场地:Fb eat all day

Step感激每次出歌,老公郑俊弘都会落力支持。
Step感激每次出歌,老公郑俊弘都会落力支持。
Step坦承要做独立歌手付出不少,包括金钱和心力。
Step坦承要做独立歌手付出不少,包括金钱和心力。


Step新歌选择以该段情作蓝本,并非因特别深刻,只是太戏剧化,「我曾经有个另一半做咗好多坏事,我一直包庇佢,但睇唔到将来会开心,拖拉咗半年,我觉得嗰种痛系因为离开时仲系好爱佢。嗰段日子长期有堆匙羹摆喺雪柜,因为朝朝只眼肿到爆,如果有时冇羹试过用雪藏鸡翼敷。嗰段时间真系好攰,成日闹交闹到好夜,第二日要拍剧会早两个钟起身雪眼,𠵱家谂番好无谓,初初痛会觉得暗爽嘅,愈痛愈爱,但痛过好多次就会知道斋得个痛,𠵱家唔需要吓吓咁戏剧化,可以日日好简单咁样。」


最初Step搵歌时,讲明要有点K歌feel,令乐迷有机会去爆,唱起来会好爽,她录音时也觉得好正,但录完后竟然要老公郑俊弘安慰,「录嘅时候系好爽,独立之后录得最快系呢首歌,但我预计唔到,呢首歌会带咗啲唔开心情绪,唔系我未忘记呢段情,只系好想爆喊一镬,我老公以前都冇见过我咁样,但佢好愿意听,知道同我沟通会帮到我,我喊完就舒服番晒。」

Step为宣传新歌《灰够》,大玩出浴露背。
Step为宣传新歌《灰够》,大玩出浴露背。
早前Step同老公郑俊弘庆祝相识4周年,仲大赞老公送花有进步。
早前Step同老公郑俊弘庆祝相识4周年,仲大赞老公送花有进步。


《灰够》将会收录在Step即将推出的EP内,但她坦承这只EP后,未知几时会再推出新歌,「旧年3首歌加埋呢首够4首出到EP,算系对自己独立后少少嘅总结同纪念,因为都未有计划出下首歌住,虽然写咗啲demo喺度,有啲真系可以出,但资金问题,再咁出爹哋妈咪杀咗我,已经使咗大笔嘅6位数,银行户口真系好乾,我要搵多啲钱先得。」她坦言有意再签唱片公司,跟TVB仍有经理人约的她,更不排除重返星梦,「公司之前都有问过我想唔想,我都唔系太清楚𠵱家星梦系点,有好多嘢慢慢倾,我觉得一间唱片公司最紧要我同佢睇法夹,我最大要求一年出3首歌,之前点解离开就系因为想有多啲作品,我入咗行超过10年,又就嚟30岁,都想keep住有多啲作品,唔系过多几年就30几,可能要生仔,呢几年系要冲,歌星最紧要有歌出,希望有间公司会相信我嘅潜质。」她更自爆为搵钱出卖自私空间,「早前《新春开运王》话要拍我哋屋企,我最初唔想,但系话有两个骚我哋即刻接,几cheap呀!哈哈!」

为了节省资源,Step经常利用社交平台落力推歌。
为了节省资源,Step经常利用社交平台落力推歌。
为令外界更加容易投入歌曲,新婚的Step专登不参与MV演出。
为令外界更加容易投入歌曲,新婚的Step专登不参与MV演出。
 转型独立后的Step,每次拍MV都身兼多个身份。
转型独立后的Step,每次拍MV都身兼多个身份。

最新回应

热门文章