唔想新婚胞弟咁快生小朋友 陈凯琳想细佬帮手凑两个仔
2021-03-30 17:02 
陈凯琳（Grace）今日出席活动，早前孖生细佬Derek结婚荣升姑奶的她笑言父母对三个子女已成家立室最开心，但她不想细佬咁快生小朋友，事关佢想细佬帮手照顾自己两个仔。她说：「佢有自己小朋友就唔肯帮我凑仔，我觉得细仔Yannick同细佬好似，个个见到都话好似细佬以前个样，成个饼印，有时望住细仔会谂返细个同细佬嘅嘢。」
对于大仔Rafael与细仔Yannick的相处，Grace表示大仔两岁开始意识到做哥哥，亦会叫大仔要照顾细仔，但两兄弟冇争玩具玩。她又指大仔已正式返学，初时也担心他不习惯校园生活，不过有朋友教路，返学一星期前向儿子灌输上学的讯息，到正式返学就好顺利冇喊。她说：「大仔好愿意戴口罩，觉得系一个日常习惯。」
關鍵字
最新回应