【头条独家】《战毒》囡囡无惧中招健身室打趸　34C陈紫芊唔做花瓶恨演专业人士

健身室上月获放宽重开，未料近来却爆发「健身群组」，令人担心再掀第五波疫情！不过，拥34C上围的陈紫芊（前名陈晨，Elsie）一于冇有怕，Gym room一开即约私人教练操Fit Body，对于「中招」，Elsie有自己一套睇法：「有时系整定，你去咗嗰度有就有，冇就冇事㗎啦，冇得担心咁多。」疫情下Job量大减，事业心重的她认为要时刻装备自己，保持最佳状态迎接工作机会；Elsie又盼摆脱「花瓶」形象，有机会多拍剧集、电影及综艺，让观众发掘她性感以外的一面。撰文：黎宝伦　摄影：梁志明　场地：Fivez Fitness & Wellness

现年26岁的陈紫芊于2017年参选港姐，虽然最终未能入围，但翌年为无綫节目《美女厨房》担任「美女学徒」而为人熟悉，其后于ViuTV节目《埋嚟睇 埋嚟玩》担任天气女郎，又有份参演早前播毕的ViuTV外购剧《战毒》。本身毕业于美国明尼苏达大学传理系、身为学霸的她入行3年多，形象性感，但Elsie自认幕前成绩不过不失，希望能捉紧机会一搏，洗脱「花瓶」形象，「好想向观众展示自己嘅实力、闪光点，我觉得自己几有幽默感同综艺感，如果观众睇多啲我嘅节目就会认识到另一面嘅我。」

恨演戏
读了一年戏剧班的Elsie好锺意演戏，因觉得演绎一个角色可体验不同人生，而她最想演的是专业人士，例如律师、医生等，「细个睇TVB，每次见到唔同专业人士嘅剧，大个都想做呢啲，虽然高难度，但对自己系一个好好嘅挑战，好似《法证先锋IV》李施嬅饰演嘅法医，我觉得好吸引、好想试。（学霸唔怕背台词？）我背嘢都OK，应该唔怕背台词。（拍毕《美》TVB有向你招手？）嗰时有经理人公司难啲，而家自由身，有机会都想拍剧或综艺。」

迟打针
为上镜线条靓啲，抗疫期间Elsie都在家中勤力拉筋，健身室重开后也即去做Gym，希望练出腹肌，随时上阵，「你嘅身材反映到你有几自律，希望以最好一面展示畀观众。」惟近日爆发「健身群组」，难道不怕染疫？她说：「佢哋都戴住口罩，加上一对一，所以同其他人接触机会低，而嗰啲群组爆发距离我去开嘅健身中心都远，所以都放心。（考虑打疫苗？）迟早都会打，但唔会近排打罗，要睇定啲先，如果打咗先出得境就会打。」