【系爱呀】宣布婚讯首度现身 李施嬅有信心型男未婚夫够专业唔会挞著学生
2021-03-15 20:32 
上月初突爆婚讯的李施嬅，仲惊爆未婚夫原来系身形健硕嘅靓仔星级健身教练车崇健（Anson Cha），周润发、郭富城、杨千嬅、吴镇宇、关智斌等都系他学生。今日李施嬅容光焕发，首度出席时代广场举行嘅展览活动，她透露因疫情关系，双方家人未能飞到香港，故要视乎疫情才能筹办婚礼，亦未注册，但不介意等到明年才完婚，反正大家处于半同居状态，早已认定对方是终身伴侣。
老公唔锺意懒人呢世都要勤力
她开心说：「我拍戏已经结过好多次婚，搞唔搞婚礼冇所谓，最紧要家人开心，爸爸最近好开心，我宣布婚讯后到家姐宣布喜讯，佢婚期比我更早！」施嬅与车崇健由朋友介绍，大家秘恋4年，只得十个八个朋友知情，她冧爆说：「佢简单、细心、上进兼勤力，男友锺意我叻同埋勤力，佢唔锺意懒人，所以我呢世都要勤力，否则怇就唔爱我喇！」她又劲赞Anson系香港最叻嘅教练，有好多学生，但畀啲空间佢，唔好讲太多，更唔回应未婚夫系咪KOL车志健弟弟，惟一可以讲：「佢好专业，唔会挞著学生，而我唔系佢他学生，只会间中指点我一吓，如果由佢嚟教我，可能我哋会嗌交。」
爆男友海底求婚浪漫又有心思
施嬅忆述男友正式求婚一次，她就Say Yes：「因为我锺意海洋，我哋喺美国潜水时，佢好有心思咁喺海底求婚，戴上戒指时仲有鲨鱼。」她又解释早已想宣布婚讯，但男友是圈外人，担心吓怕对方，又笑说：「宣布婚讯后，男友去茶记食饭被食客恭喜，佢好怕丑，面都红埋，𠵱家佢比我红！」
生儿育女顺其自然唔刻意强求
至于会否勤力「造人」？她自言喜欢小朋友，但顺其自然，不刻意，现在先玩陈山聪个仔，自己的，有就有、冇就冇罗！
最新回应