首演舞台剧《圣荷西谋杀案》田蕊妮唔怕跟郑秀文刘雅丽比较

2021-03-08 21:40

田蕊妮（阿田）、潘灿良、温玉茹等人今日出席舞台剧《圣荷西谋杀案》记者会，阿田是首次演舞台剧，她表示兴奋多过紧张：「之前唔知剧场开唔开、有得做定唔做，患得患失好似拍拖咁！加上舞台与电视电影唔同，有啲担心，可能因为咁所以瘦咗，不过围读完就重拾信心。」会否担心被拿来与曾同样演出「Ling」一角的郑秀文与刘雅丽比较？阿田觉得毋须比较：「演员上台一定要有信心先对得住观众，唔应该怯，我而家自信啱啱好。」

阿田又指为了排练舞台剧而暂别网台工作，笑认有放假感觉，因为做演员远比幕后简单。问到老公杜汶泽会否回港捧场？阿田笑认觉得对方一定会撑：「挂住安排朋友嚟睇剧，大安旨意觉得老公会来撑场，冇刻意过问！不过记者会前佢有Facetime为我打气。」《圣荷西谋杀案》在港四度公演，将于4月30日至5月14日共演出13场。