前空姐「阿Tsar」爆灵异传闻 华仔星爷拍《整蛊专家》撞鬼以后唔敢再合作
2021-03-02 08:30 
前空姐「阿Tsar」早前开YouTube Channel「Smart Travel」转型做YouTuber，大爆娱乐八卦史，包括十大明星「好客、西客」、「富豪饭局」、「电视台高层搞淫乱全男班船P」等，大受网民欢迎，剥到一地花生。昨晚她再惊爆发生喺刘德华及周星驰身上嘅灵异传闻，呢个传闻近年传到绘声绘影，相当惊吓！
华仔接受传媒访问时曾话过视星爷系偶像，可惜星爷同华仔自91年拍完电影《整蛊专家》再冇合作过，阿Tsar话，传闻同灵异事件有关。话说当时两人凌晨喺外景场地等埋位拍《整蛊专家》，星爷等到有啲肚饿，见远处有个10几岁嘅后生仔，星爷就扬手叫他过来代劳买宵夜。年轻人自称系星爷影迷，满心欢喜乐于效劳，仲话能为偶像效力经已好开心喇！唔使畀钱。此际华仔途经，星爷叫华仔搭单买埋。
之后两人接过宵夜，连声多谢年青人，年青人亦告功成身退。突然华仔发现櫈边有份报纸，顺手执起打开，一睇成个人吓到弹起，醒晒话：「唔系咁整蛊我呀？」原来喺片场见到嘅年青人，喺噚日一宗致命交通意外被车撞死！之后华仔搵嚟大师为两人占卜，大师劝两人唔好再合作，否则对两人不利，但究竟撞鬼传闻系真定假？有待向当事人查证。但曾系周星驰所属嘅星辉公司负责人之一嘅田启文(田鸡)就爆过星爷每次拍戏要过夜时，最怕就系一个人瞓酒店，所以拉他同房瞓客厅，而且唔准他熄灯。
最新回应