晚晚睇戏砌模型添情趣　朱茵呻婚后俾黄贯中狂窒

适逢元宵佳节（26日），相爱超过廿载的黄贯中（Paul）和朱茵，日前合体挑战「爱情五秒定律」，当问到被老婆激嬲的3个原因时，Paul即「机关枪式」搞笑道：「天气冻着唔够衫、肚饿又唔食嘢、乱放杂物、唔愿起身、迟到⋯⋯咦，原来可以讲到咁多。」语毕朱茵笑称要罚对方顶痰罐，场面爆笑！随后，问到太太身上3个最大的地方？朱茵一向以身材丰满见称，惟Paul没有讲出对方的「D Cup上围」，反而说是「眼大、嘴大和志气大」，𠱁得爱妻全程笑不拢嘴。

至于老公婚前婚后的不同之处，朱茵便趁机投诉：「以前出街一定会拖实我，而家就会拖阿囡（黄莺）；仲有以前唔会窒我，婚后就系咁窒。」不过，讲到Paul具备的3个好老公条件，她甜丝丝地表示：「大力、任我差遣，而且会煮饭畀我食。」Paul闻言反击：「讲紧好老公条件，唔系拣工人喎！」最终朱茵于赛事中落败，并向Paul献上香吻作为元宵礼物，认真Sweet爆！

黄氏夫妇于人前人后都非常恩爱，Paul不讳言经常有人向他取经，也坦言一齐「唔闷就呃你」，故需学习如何避免这种闷，他教路：「最重要唔好有一个奉旨嘅心态，例如太太为你煮饭，你要识得欣赏，要觉得每一餐饭都系第一次，将呢个心态套用喺所有事情上，就唔会觉得闷，反而好新鲜。」朱茵也建议一众有情人为生活加添情趣，有助增进感情：「尤其而家喺屋企嘅时间多咗，可以尝试多啲唔同嘅嘢，最近我哋会等囡囡瞓觉后，一齐砌3D模型，都几好玩，同埋我哋晚晚都会睇戏。」

虽然因育儿理念不同偶尔争执，但夫妇俩都会主动认错，「爱妻号」Paul更自有一套「争吵哲学」，他说：「吵架输咗，固然系输；赢咗你都有排捱！既然输赢都系处于输家嘅状态，奉劝各位男士最好就唔好同另一半嘈，系咪都认错先。」