【独家】泳儿李靖筠牛年努力做好歌 洪卓立曾乐彤艾妮望多演戏
2021-02-25 18:00 
「英皇娱乐」的泳儿、洪卓立（Ken）、曾乐彤、李靖筠（Gladys）和艾妮（Elly），虽然鼠年受疫情影响，但幸好有大公司支持，依然有不少工作机会。展望牛年，他们都各有愿望，泳儿和Gladys想在音乐方面有更多新尝试；Ken、曾乐彤和艾妮除了音乐外，亦想多点演戏机会。撰文：杜淑霞 摄影：梁志明 发型：Zivyeunghair@leonardo3(泳儿)、[email protected]念(Ken)、Zap Tang@Essensuals Toni&Guy(曾乐彤)、Ritz Lam@Leonardo 3 Hair Corner(Elly)、Ziv Yeung@hair corner(Gladys)化妆：Cyrus Lee(泳儿)、KeiKei(Ken)、Will Wong(Elly)、Evelyn Ho(Gladys)服饰：Tommy Hilfiger(Ken)、Andrew Gn (from SWANK)及Elspethbaby_Jewellery(曾乐彤)、H&M(Elly)、Andersson Bell@Harvey Nichols(Gladys)场地：初心xTapa Room
泳儿去年推出的「沟渠系列」反应好，计划今年继续玩暗黑，「本身出EP，𠵱家可能会出大碟，我自己都好开心，如果可以将所有暗黑歌曲，摆晒喺一只碟入面，有少少似concept album都几好，我冇乜做过，好值得纪录低。」而Gladys牛年一样有新尝试，「想从新塑造自己音乐，之前啲嘢开始重复，上年我好畀心机去分析自己嘅强弱，希望今年可以运用到出嚟，可以攞到个平衡，歌曲chill同舒服得嚟，又容易入口。」
入行一年的Elly，牛年最想不再翻唱有自己歌，更想挑战虐心类型歌曲，「我唱惨情歌应该好拿手，因为自己好锺意听。另外，我好想拍古装剧，自己好锺意睇，好似《延禧攻略》，好想挑战吓，演戏对唱歌都有帮助，感情会投入啲。」至于曾乐彤除了做好音乐，亦想继续向演员路进发，「入行之前系谂住做演员，剧就拍过，但系电影未试过，希望快啲有机会，但歌当然会照出。有得演丫鬟都得，唔会拣择角色同对手，不过林依晨系我偶像，合作可能系好远嘅事。」去年首度返内地拍古装剧的Ken，吊威也时惊觉自己有畏高症，除了令动作失败要替身补上外，返港出席《劲歌》颁奖礼，在高台演唱时亦紧张到出晒汗，所以牛年好想再挑战克服到高空工作，「希望等到佢哋话，会突然唔惊嗰日罗！」另外他亦想挑战更多不同类型角色，「好多戏冇试过，连新人必经嘅鬼片，我入行10年都冇试过。」
最新回应