【独家】感激Tank做阿四支持　《造星III》方方望学识做主角

方方（方芷欣）参加《全民造星III》虽然十强止步，但全程表现落力，最后演出《666》绝对令人眼前一亮，她坦言多得有过两届《造星》经验的男友Tank（梁德忠）做埋阿四贴身支持。不过舞蹈员出身的方方坦承仲未惯做主角，未来会努力学习适应，更想跟Tank情侣档拍真人骚。而努力走演员路的Tank，除在ViuTV新剧《太平纹身店》演出外，正筹备开网台，连幕后都捞埋。 撰文：杜淑霞 摄影：谭壹致 场地：Dancebeat studio

方方在争入十强的演出《666》时，获得评判和观众一致激赞，她认为已对自己有交待，输给Kimman（黄剑文）好合理。不过，外界会奇怪她竟然不找Tank伴舞，他们解释除因时间太赶，找排舞师做拍档最安全，方方还透露内情，「我同佢跳会投入唔到，我望住佢谂唔到家暴好惨。（Tank：冇嗰个画面）入唔到戏呀！」

情侣档拍真人骚
难怪方方有此想法，因Tank除了极力鼓励她参赛攞经验外，更全程充当专属阿四，执屋、洗衫、接送，最重要还有心理辅导，「佢系好好嘅伴、聆听者、分析员，我当中有啲低落情绪，佢好了解我哋发生紧咩事，调番转佢当时比赛嘅时候，我唔系好明白佢，但系佢身为一个过来人去睇我，陪伴我嘅时候，佢可以做到好多舒解我压力嘅嘢。」Tank说：「帮佢打多几支强心针，我做到系咁多。」讲到未来发展，方方坦承仲未学识做主角，「我唔惯做主角，调整冇咁快，反而完咗比赛可以思考嘅一个地方。跳舞之外，都想试吓剧集或者舞台剧，唱歌要再学多啲，会扩濶自己表演嘅能力。」她更想跟Tank一齐拍真人骚，「我好锺意情侣去历险嗰啲，如果我同佢一齐去玩应该几开心。（Tank：观众应该会见唔到我哋sweet，会打交！）」

至于Tank除了努力学戏，最近还捞埋幕后，「同幕前幕后嘅朋友一齐搞紧个Channel，最想拍属于我哋嘅剧集同综艺，似一个免费嘅电视台摆上网，系个好大project，自己都会做埋幕后，学紧剪片。会邀请佢（方方）做嘉宾，佢好适合综艺，了解多啲其实佢好低能。」