星岛日报

【头条独家】做《诸朋好友》跟老友真情对话 41岁崔建邦放低枷锁再起步

2021-01-14 22:40
《诸朋好友》访问嘉宾老友,令崔建邦重新学会做人。
《诸朋好友》访问嘉宾老友,令崔建邦重新学会做人。

崔建邦(Amigo)去年被力邀回巢,第三度返入TVB,今次更有份策划制作节目《诸朋好友》,更有机会同张秀文角逐《万千星辉颁奖典礼2020》的「最佳节目主持」,最终输咗畀周柏豪及袁伟豪主持的《两个小生去Camping》。对被指回TVB系收复失地,他带笑谦称:「都未有个地,点算叫收复?不过,做到一个节目令观众睇得开心,系开心嘅。」采访:方骞平

《诸朋好友》访问嘉宾老友,令崔建邦重新学会做人。
《诸朋好友》访问嘉宾老友,令崔建邦重新学会做人。
41岁崔建邦坦言啱啱先学识做一个真正嘅主持人及男朋友。
41岁崔建邦坦言啱啱先学识做一个真正嘅主持人及男朋友。

崔建邦曾经被捧为TVB金牌司仪,可惜2009年因袭击当时女友邝敏慧形象受损被无綫解约,2011年崔建邦自荐重返TVB并由助理编导做起,之后离巢发展,直至去年重返主持《诸朋好友》,跟嘉宾好友宣萱、欧阳震华、黄日华、苗侨伟、林国斌及方中信等真情对话,口碑唔错。

宣萱、欧阳震华呢对组合令他体会到,好拍档所产生嘅火花真系冇得顶。
宣萱、欧阳震华呢对组合令他体会到,好拍档所产生嘅火花真系冇得顶。
崔建邦现任女友Jessica,唔止样靓仲喺直资中学做英文主任。
崔建邦现任女友Jessica,唔止样靓仲喺直资中学做英文主任。

从嘉宾身上学习
透过节目,Amigo坦言喺嘉宾身上学到嘢:「好似喺姜皓文身上,学会点去坚持,其实好难;华哥、三哥身上学会兄弟间嘅照顾,对另一半专一,系令我好向往;宣萱、欧阳震华间嘅默契令我好恨有个咁好嘅拍档!希望之后都可以访问到侧田、张敬轩等。」Amigo透露有11年时间过得好惊涛骇浪,「由有事发生到做PA,直至返出嚟做主持,初期过唔到心理关口,好似带罪之身,好多枷锁,坦白系做得唔好,𠵱家做自己想做嘅节目,事业同感情叫啱啱起步,真真正正学识做主持同埋做一个男朋友。」问到有冇说话同旧爱讲?他笑言,「咁又冇,其实我以前每一份感情都好认真,人生就系咁,寻寻觅觅嘛。」

华哥、三哥嘅兄弟情令崔建邦好羡慕。
华哥、三哥嘅兄弟情令崔建邦好羡慕。
当年崔建邦令「最佳女朋友」唐诗咏死心塌地,就算男友事业喺谷底都力撑。
当年崔建邦令「最佳女朋友」唐诗咏死心塌地,就算男友事业喺谷底都力撑。
2011年崔建邦自荐重返TVB并由助理编导做起。
2011年崔建邦自荐重返TVB并由助理编导做起。
用一年时间上擂台嘅打拳节目《我的志愿》对他影响最大,令他重新面对自己。
用一年时间上擂台嘅打拳节目《我的志愿》对他影响最大,令他重新面对自己。
重投主持工作初期过唔到心理关口,自觉当日主持《深宵美食团》做得唔够好。
重投主持工作初期过唔到心理关口,自觉当日主持《深宵美食团》做得唔够好。

最新回应

關鍵字

相關新聞

热门文章