星岛日报

【独家】「18禁」新歌向强尼献吻 J.Arie认唔熟唔食

2021-01-14 23:00
J.Arie新歌《阴阳道具》由于题材讲性,加上歌名、歌词同MV内容属「18禁」,早已预料电台和电视会禁播。
J.Arie新歌《阴阳道具》由于题材讲性,加上歌名、歌词同MV内容属「18禁」,早已预料电台和电视会禁播。

J.Arie(雷深如)早前推出新歌《阴阳道具》,由于题材讲性,加上歌名、歌词同MV内容属「18禁」,极之大胆露骨,早已预料电台和电视会禁播,但她觉得这正是独立歌手题材自由之处。今次她除了作曲,还亲自写MV剧本及执导,搵来劲老友的强尼及虾头大玩「3P」大胆场面,她直言贪两人够熟而献上两性的荧幕初吻,强调这种程度绝对是可一不可再。撰文:杜淑霞 摄影:谭壹致 场地:The AIR (The ONE)

J.Arie新歌《阴阳道具》由于题材讲性,加上歌名、歌词同MV内容属「18禁」,早已预料电台和电视会禁播。
J.Arie新歌《阴阳道具》由于题材讲性,加上歌名、歌词同MV内容属「18禁」,早已预料电台和电视会禁播。
J.Arie坦承当独立歌手不容易,心愿是2022年能够推出首张创作专辑。
J.Arie坦承当独立歌手不容易,心愿是2022年能够推出首张创作专辑。



J.Arie今次搵来填词人梁柏坚合作推出《阴阳道具》,她指这是精神病系列继《双面哈菲》后第二部曲,「上次讲完精神分裂,今次系想讲性上瘾,正所谓食色性也,系与生俱来嘅自由,两个人赤裸咁样面对着大家,好诚实可以毫无保留去享受性呢样嘢,其实系我哋每个人应该唔使惊讲出嚟,唔应该系禁忌,系可以毫无保留咁样讲性解放。」

在《阴阳道具》MV中,J.Arie跟强尼有连场激战。
在《阴阳道具》MV中,J.Arie跟强尼有连场激战。
J.Arie找来强尼和虾头参与MV,最大原因跟两人够熟络。
J.Arie找来强尼和虾头参与MV,最大原因跟两人够熟络。


讲到MV搵来强尼出任男主角,J.Arie直言贪其有佬味兼有点淫贱feel,而最重要因两人够熟络,「我系晨早已经留意到佢呢个特质,我另一个搵强呢嘅原因,系佢驾驭到好多唔同嘅嘢,佢就系嗰种有少少似刘青云嘅演员,扮乜似乜,同埋因为我哋好friend,对于我来讲识嘅话,尺度反而可以更加大,其实佢之前拍过少少锡嘅嘢,佢老婆都有啲意见,好彩佢老婆知道今次系帮我就OK啦!因为我哋大家系认识嘅。其实我个初吻今次系畀咗两个人,除咗男主角强尼,仲有女主角虾头。我哋三个都系主角,冇话边个系第三者,系大家共同享用,大家睇咗个MV就会知㗎啦!」



在疫情下当独立歌手,J.Arie坦言是烧银纸之举,「今年两只歌都使咗成20几万,我喺其他方面凑凑埋埋喺嗰度就用晒,不过对我嚟讲够食就得㗎啦!」不过面对未来她依然乐观积极,「希望凑够5、6只歌,到时候可以买番我喺太阳(娱乐)嘅时候冇出过碟嘅歌放落去,譬如《你死我活》嗰啲大家比较熟悉嘅电影歌曲,出一只新曲加精选,新旧加埋就有成10只歌,目标系2022年年头或者年中出,系自己嘅心愿,真系一只自己切切实实由零开始去创作嘅一只碟,做完呢只碟就无悔,可以移民罗!哈哈哈!」

J.Arie 今次负责作曲,还亲自写MV剧本及执导。
J.Arie 今次负责作曲,还亲自写MV剧本及执导。
MV中大量性玩具,原来是J.Arie请胞弟帮手网购回来。
MV中大量性玩具,原来是J.Arie请胞弟帮手网购回来。
J.Arie凭《双面哈菲》和《阴阳道具》,夺得「新城劲爆独立音乐人奖」。
J.Arie凭《双面哈菲》和《阴阳道具》,夺得「新城劲爆独立音乐人奖」。

最新回应

關鍵字

相關新聞

热门文章